Thursday, January 19, 2006

又是三節

今個星期take 左更番星期四同星期六
點知,今日都係要番中心OT ,仲要一做做足12小時
上晝interview,下晝desktop work,夜晚又home visit又打電話
雖然體力上完全冇問題,但精神上真係好exhausted

今日見左兩個婦女
傍晚個home visit ,終於有worker 同我去,仲要o係centre IC
睇到佢點同婦女傾之餘,又可以知道自己改善嘅地方
今日同worker 一去,了解到自己有時太過task oriented
應該從一d 生活點滴去了解一個人嘅處境同埋佢地諗法
真係實在有太多嘢仍然需要去浸淫同磨練
番到屋企十一點,個腦用得太盡暈暈地
沖左涼同比比落左街一陣
令個人清醒一d ,番屋企繼續努力
原本聽日好開心咁攞左上晝一節C/L
點知夜晚打電話時約左聽晚home visit ,仲要o係8:00 p.m
即係鄧番均,請左C/L又要攞番OT ,即係冇請過
唉,成三十幾個鐘OT ,未有著落,數字應該KEEP 住升

近日d 腸胃真係好唔掂
首先o係冇胃口,食得足d又去唔到
食得少就不停嘔氣,個腹成日都有好多氣咁
下午一件多士,嘔氣嘔左3個鐘
晚上幾條腸粉,嘔氣嘔左2個鐘
真係嬲鬼得滯,咩都唔食,淨係飲奶茶算

究竟我d腸胃發生咩事呢???
腸大爺,胃大姐,玩完嘢未??

果林,感謝你了解
比,感謝你愛護
珍妮,多謝你關心,
有d嘢,我唔識點講亦都覺得我自己應該學習handle,我比以前叻左o架喇,放心,唔洗擔心

打完日記,好眼瞓呀

1 Comments:

At 1:29 PM, Anonymous 胃氣果林 said...

你是胃氣的問題呀--
胃氣咁勁,飲奶茶會更多胃氣,但咖啡削胃...總之飲0的溫和0的0既飲料啦!

 

Post a Comment

<< Home