Tuesday, December 14, 2004

12月14日~~~~~山洞

有人同我講, 我日記成日都講d唔開心嘢…….自己睇番自己以前d 日記, 確實係………

今日考social policy , 考得好差……………….差到, 連自己都俾唔到excuse自己
題目唔係好難, 好大路
但偏偏自己考試時就完全load 唔到嘢………答到一大半先發現自己答非所問……d 嘢真係有溫過, 但係o係o個一刻寫唔出
星期日同一都做soci o個份功課, 份功課真係occupy 左我好多時間
再加上牙痛, 痛到個頭好似俾石頭壓住咁……完全集中唔到

琴日難得唔咁痛, 可以集中得到
但時間真係好有限…….已經好盡力去睇d note 同reference
只可惜一o黎自己睇嘢比較慢, 二o黎真係多到…………
溫到今朝四點先去瞓
七點半就起身, 約左jenny 八半食早餐又番學校再溫
但係好似真係越溫得多個人就越混亂…….
答到lost 晒方向咁~~~~~
真係好frustrated …..
原本約左sowk正菜一家人飲茶, 但我好down , 唔想影響到人地, 而且真係唔識adjust 自己情緒…所以選擇左一個番屋企, 對唔住各位正菜妹妹同爸媽……
一個人搭車時諗左好多嘢……….真係好down

原先打左俾唔同嘅人諗住同人share 下自己嘅唔開心
不過佢地都唔得閒, 諗落又係, 人地都有自己嘅事要做….support唔係話隨時都為你而設, 只可惜-------約會可以預約, 但心情真係冇
始終都係要一個人處理番……
今日處理方式係呢入自己個山窿入面, 熄晒電話唔想有人搵到
我知道自己而家唔開心係要借助一d means 先可以令自己喊……..
所以選擇左睇戲……租左我最愛sammi 嘅<龍鳳鬥>, 有d位真係好感動, 喊左出o黎


到諗住自己已經打番俾比比
又有少少argue …….其實我只係想你細心d
maybe 呢個諗法係irrational belief
我可能真係太demanding
無論係對住比比
或者對住朋友
好多時候都好想得到即時support
但無奈地人地真係唔係時時available , 咁心情就會差上加差……
從今日起, maybe 真係要一個人去處理自己情緒
今日算得上係一個start , 都算係唔錯


大山: 多謝你嘅雞骨草, 不過好難入口啊!!!!!
比比: 感覺到你好在意我地之間嘅感情, 今日嘅事, 係我唔體諒
不過我今日同你講嘅嘢都係發自內心, 係一d我認為真正我嘅需要
不過我明白你未必可以一一做到……..始終你唔係為我而活
有咩得有咩唔得, 可以同我傾嗎???

9 Comments:

At 10:55 PM, Blogger 細 CaR said...

包~~~
做乜o野事唔開心ar??
唔好俾o甘大壓力自己 la!!
其實你身邊有好多朋友好樂意去關心你 ga~

 
At 12:32 AM, Blogger 大 CAR said...

細CAR之後到大CAR

今日聽到你講話好tired 唔去個時都覺得怪,
因此唔多似你平時作風,
但見你唔係太想去,
所以無再多問

當時realise 唔到你o既情緒,
sorry ar~~~~~~~~~~
不過唔緊要啦,
我o地下次再re-u ^^

知你好想考好呢科,
但我諗成績唔係最重要,
反而, 我覺得你真係對policy有自己的一番見解,
唔緊要啦,
即使真係考得唔好,
就當係俾空間自己進步啦,
下個sem仲有policy 你讀ma ^^

 
At 1:01 AM, Blogger simpson said...

包, 大car講得o岩呀,你羌戈policy的見解已經十分獨到。同時你的不快亦可見你對這一科的重視及專重。其實, 你對policy的認識及努力不是只看一個exam吧, 如果是的你早就可以用exam techque去考啦, 邊駛自己咁辛苦呢。有時候可能你需要的是休息多過學習吧, 就算有多廣泛的知識, 但只得一病纏身, 又何有能去展所長呢。同時間,決勝是在千里之中而非一時之地;不是解釋而是理性的分析。我最相信你是有能力去學習及實踐的,加油,別為一時而失重心。相信你看到時已經自我平衡好了,是嗎?

 
At 1:12 AM, Blogger 大山 said...

包,我竟然察覺不到你不快樂了… 真的對不起。
從少開始,我便學識了自己面對自己的問題,自己的情緒,
其實這是一件相當辛苦的事。有人聽已經是一種舒緩。
看到你要借幫什麼才哭得出來,那種痛一定已很重。
看到了你這麼一句,心真的痛了一下。包,我不雛說話,只想你知你身邊有我們! 大家都很關心你的。也許我跟你相似,找別人,不會告訴他/她「我不快樂」。努力到最後的一科。

其實對社會的關注,不代表你是一個識得考試o既人。
有人好叻,但係冇考試o既技巧,佢地都可能因為咁冇左一d機會。
考試唔係定生死,但炒就會心死。我好明白… 放o係係面前o既,係機會!人不會一直都成功啊! 不是已經盡力了嗎?

龍鳳鬥我也很喜歡,因為當中的愛偉大而神聖。
祝福你!

 
At 1:45 AM, Blogger 雪兒 said...

終於又留到言la~
包包..我都唔知講咩好la.你今日嘅情況同我當日考psy嘅一樣.
當日你點安慰我.我相信你識點諗係會令自己好過d~
我知道.一定要經過emotional呢個stage先會慢慢平靜落黎呢..
我覺得你已經有好大嘅進步.i mean release唔開心嘅情緒..
睇戲俾自己喊出黎..係我以前成日用黎faciliate自己喊出唔開心嘅野.我覺得work~對你有幫助ma?...很好呢..你俾自己抒發出黎.睇戲relax呀~又有sammi你嘅至愛喎~(同你真有緣je.你今日租呢齣我又係喎~不過唔同target.你係sammi.我係華仔啊~^^哈哈...好感動ar..我都睇到喊晒..)考左..成績未出..或者其實唔差呢..要有番少少希望ar~我都對psy抱有少少希望ar~
為前面嘅努力la~~!!
好快可以玩la~~^3^

 
At 12:08 PM, Blogger Victor Leung said...

包,妳就好喇
有咁多同學support妳
我都留下言先:
就快考完喇
仲有一個星期吧了
努力吧,考完就可以去玩喇!

 
At 2:18 PM, Blogger Tommy=] said...

包姐,我覺得你已經好盡力咁去了解policy既野~
只係考試難免有緊張失手之時,又何必為o左一個exam而不快呢?
你擁有既係你腦入面對policy既認知同了解嘛~
考試只係考試~並無其他~
(老實講~我中學時期都俾人話我"讀寫困難"~皆因我識講俾人知但唔識寫出黎...又如何?我知道我自己係識既就可以啦)

有情緒問題找不到人share,大可以找我們呀!
要發洩情緒,多一個人多一分力量~
但願有一日你會找到更多既人可以跟你分擔!

 
At 6:01 PM, Anonymous Anonymous said...

加油呀!好好保重呀!by果林

 
At 6:57 PM, Blogger *蛙娃* said...

包包~考試仲有幾日,要支持住哦~^^
希望你快d好番,冇病冇痛~~

ps:喂喂~涼茶難飲都要飲啊~~身體要緊~~~>0<

 

Post a Comment

<< Home