女人不是sex object, 請為自己而活
今日坐巴士番屋企o個陣睇roadshow, 睇到一個纖體公司廣告…….爆嬲!!!!又係o個d真實個案….由2百幾磅減到百幾磅, 個女人真係瘦左又索左
我本人都好怕自己肥, 我唔會介意d 女人為左可以變靚d 或健康d 去纖體
不過……今日(其實以前好多纖體廣告都係)個廣告令我最慶嘅個女人纖體嘅原因係為左佢個未婚夫
個廣告先係影左佢未纖前著晒tube, bit 左d 肉o係沙灘打波
之後個女人就同顧老板講,話佢纖體係為左佢男朋友嘅一句說話
顧老板仲要re-enforce 話,: 其實一個男朋友都唔會好介意佢身材, 不過瘦左就會鍾意多d……….
shit!!!!!!!! 有冇攪錯, 自己要變得靚d 係為左取悅個男人????
佢男朋友都個外形唔係好好咋喎…… 咪又係成隻豬咁, 又唔靚仔. 同街市賣豬肉o個d 豬肉佬差唔多,
自己都唔係型, 憑咩叫佢女朋友變靚: 如果佢女朋友去纖體, 咁唔該佢整容先
我知道呢d notion 係商業手法, 係d纖體公司吸引客人嘅口號,
但同時都係累死好多女人嘅魔咒
只係鼓勵d女人去令老公/男朋友開心而改變自己身材,將d錢千千聲萬萬聲咁掉出o黎之餘又要變態地節食, 做機 ……瘦到之後仲要諗點先可以keep….
各種嘅後遺症都對身體上同心理上都帶來極大壓力,
最重要嘅係…… 冇左self, 為滿足其他人而活, 自己嘅價值由人地去評定, 係一件幾咁悲哀嘅事…………………..
而男人嘅慾望又沒完沒了, 滿足左一樣又嫌你其他唔夠好……………改變自己點先得o黎完成
我睇到呢類廣告真係好忟,
而家社會女人要自強獨立, 唔單只係經濟獨立, 仲要係獨立咁建立自己個self
唔係男人話咩就咩………..
如果愛情會因為外表而有變, 我覺得呢d係肉慾, 係軀殼式戀愛, 或者根本稱唔上係戀愛………
就係因為呢d 男女之間嘅錯誤觀念, 出現左幾多年紀輕輕嘅媽媽, 冇左幾多條寶貴嘅生命……….冇左幾多可以大有前途嘅年輕人, 同埋幾多發展得唔太健全嘅小朋友
而家係街成日都見到好多好young 嘅女孩子大住個肚, 有d 仲抱住或者拖住個幾歲嘅細佬
感覺會好複雜: 一o黎好欣賞佢地唔會咁輕易放棄生命, 同時, 都好心痛
睇住d咁細個嘅妹妹仔, 自己都未玩夠, 自己都未真係成長, 但就要開始照顧小朋友嘅成長……….
佢地自己嘅前途會係點, 小朋友前途會係點, 我地將來社會嘅前途都係點????
真係好心寒, 有時覺得我地嘅教育好失敗, 無論係有關gender issue 教育同性教育都係………
將來出到o黎工作, 相信會遇到唔少呢類型嘅client
social workers 除左做一d remedial 嘅嘢,又可以做到d 咩????唔通淨係執屎???
發左咁多怨氣
我唔係想要有一個女權至上嘅社會
我只係希望兩性之間可以多d 尊重, 大家都係有尊嚴, 係平等的,
邊一方面都冇權強迫另一方面為自己改變, 各自都為自己開心而活
希望有一日, 唔會再係d 廣告上面見到以d 著得勁少布嘅女人作賣點
唔會再o係d纖體廣告聽到d女人要減肥係為左自己個男人!!!!
posted by FRAIS FEMMES BAU @ 3/17/2005 05:54:00 AM
1 Comments:
作者妳好，我就妳以上的文章的看法，我有以下的意見，請隨便回應:
(1) 如果1個老公可以為佢老婆or女朋友連命都可以未唔要，咁呢個女人因深愛著老公而為佢瘦身，妳覺得有冇問題?
(2) 即使呢個廣告o個女人係話為了未婚夫而減肥，但現實中，d女人減肥係咪真係可以咁單純只考慮呢一個因素? 佢地會唔會考慮埋其他因素，例如健康和減肥後同事和女性朋友間對佢自己的睇法等等的因素?
(3) 請問妳有冇要求過妳的伴侶一d o野呢? 係唔係女方要求男仔有上進心，有事業，有成就，要生高d.....就係天經地義，而男方想女仔瘦d就係唔公平，侮辱女性呢?
(3a) 妳試諗下，如果呢個世界上發明左d o野，可以好似女仔瘦身咁(唔使開刀)，就可以令我o地d男變得高d靚仔d，我諗好多男仔都會為左自己的1伴or追求對象而立刻走去做! 咁呢樣野妳又覺唔覺得點? 可唔可以講成女仔要男仔做呢d唔尊重男仔的事?
(4) 請解釋什麼叫冇左self ? 女性冇左self係點架?係咪男人叫佢做咩就做咩? 妳可唔可以響妳身邊搵幾個類似咁o既人比我睇睇?乜香港宜家仲有咁多呢類人架?
(5) 妳說"男人嘅慾望又沒完沒了, 滿足左一樣又嫌你其他唔夠好" ，請問女人有冇慾望的?
(6) 其實宜家香港d女性已經好自立，"男人話咩就咩"的時代已經過左好耐了....
(7) 戀愛點解唔可以講埋外表? 我覺得外表同內在都十分緊要，只不過在不同的階段，2種的需要的輕重會有所調整，或每一對情侶的取向也不同 - 有的雙方都很重外表，有的雙方則重內涵!只要雙方接受開心便可。難道前一方(以外表取決)的戀愛表達方式就應比評為膚淺?這是否太過極權和不自由的說法?
Post a Comment
<< Home