負荷不了的一天
今day個心真係又起又跌, 好似就o黎負荷唔到咁…..早上, 番左學校, 諗住專心做交流團d 嘢做到夜晚先走
點知ymca 營地打個電話俾我confirm 入營d 嘢
交流團所有文件, 我都係擺晒o個一個clear holder 入面keep 住
每次去邊度, 只要係做交流團嘅嘢時, 我都會帶住o係身, 就好似帶住d 金咁
今日營地打o黎, 我正o係RL 7 做緊交流團D 嘢, 佢同我話同我firm 番d 資料時, 我其實真係好老定, 諗住所有嘢都跟身, 應該冇乜問題
佢問我有冇營章,佢話我親身去交錢o個日職員俾左個副本我,
我搵唔到個folder 有, 我仲同佢講:你同事冇俾我喎
跟住職員就話: 你交錢o個日我地應該俾左d 入營證同埋收據你, 營章係你填form 個副本o黎….
跟住我諗下諗下, 點解我冇左張收據呢?我都記得張收據係釘埋另外一張紙…..點解……..冇左嘅, 我明明同d 證一齊放左o係個file 入面o架喎
跟住我又記得, 上個星期我攞過d 入營證出o黎數, 會唔會係我數o個陣跌左落地唔跳
前兩日買左個printer 番屋企, 順便又大執左間房, 清理左d雜物, 會唔會我又將呢張收據當垃圾掉左????
越諗就越驚, 真係好似掉左??
個人好亂, 心跳即刻加速……
唔見左真係死喇, 因為申請左基金, 咩單都要keep , 而家唔見左, 雖然有機會可以補番….但都唔係咁好……….失職就會令啟蒙蒙羞喇……..
即刻坐車番屋企…….o係架車度個人好驚, 標晒冷汗, 手又震, 心又跳得好快
o個程車真係好辛苦, 好難熬
番到屋企, 搵左一分鐘
好彩搵得番
原本跌左落個地, 俾個袋遮住左, 真係鬆一口氣……….
不過, 可能之前情緒太波動消耗左好多energy, 個人好攰,尤其是個膊頭, 個心仍然有d 痛………好似比做完一份paper 仲攰……
番o係屋企做莊務……效率偏低
本來約左mandy 傾交流團物資, 不過, 因為臨時要幫媽手又冇去到
明天傾
hea 下hea下又到晚上, 同媽妹睇<<我師夫係黃飛鴻>>
8點幾同同學仔icq 先知道, 原來 gpa 已經出左. 仲send 埋e mail
打開自己 e-mail--------冇
login sis ------睇唔到
但同學仔話連佢另外一個bu friend 都收到
我又再check e- mail -----依舊係冇
本來自己對於出gpa 都唔係太緊張……….一切都心裡有數……..
但同學仔已經知道而自己偏偏未知, 攪到我都有d 緊張
心跳又加速, 又再感覺到自己負荷唔到
9 點零4 分再check e mail , 都係冇, 又再login sis , 終於睇到喇
結果係非常地unexpected
心情好激動
唔敢相信自己對眼…….
去左沖涼令自己冷靜一下
同自己講
呢個gpa 係代表過去, 明天又係新開始, 要忘記過去, 努力面前
placement 將會係另一個好大嘅挑戰, 係比gpa 仲更加重要, 定生死就係睇placement , 我真係要好好努力……..
而家要去努力莊務…….
交流團在即, 大家加油!!!!
同學們, 我地呢個sem 要一齊努力, 出好placement
願共勉!!!
仲有你,比比
我地要一齊努力………
posted by FRAIS FEMMES BAU @ 1/11/2005 01:21:00 AM
1 Comments:
包包
知道你的成績後我很高興呀
你好勁呀
你要努力呀
知嗎
我會無限量支持你的啊
比比上
Post a Comment
<< Home