夢想
而家係1月3 日零晨5點鐘我仲有好多莊務未做好…….
由12點開始做到而家, 都只係做左少少……做到個人精神上好攰, 但因為過左瞓覺時間, 又瞓唔著…..
為左令自己relax 一d, 就打日記
首先多謝mandy 留言, 亦多謝你鼓勵同讚賞
唔好太責怪自己啦, 其實我之前都因為一d個人問題而放低左交流團嘅嘢
我都好唔負責任…..而家唯有做多d去compensate 番……..我會盡我能力去安排, 當然唔少得你地一齊努力啦……..
我相信, 我地會攪得好o架!!!!
今日想同大家share 一下我嘅童年, even 係而家嘅夢想…….
記得小四o個陣有一次學校中文作文比賽, 題目係:我的理想
我呢篇作文攞到好高分, 仲差d攞左出去參加校外比賽 (因為自己d字唔夠靚,最後老師就攞左同班一個女同學嘅文出去參賽)
我好記得我呢篇文入面所mention 嘅理想係~~~~~登登登登 @太空人@
話明係作文, 呢個理想都係作出o黎, o個時諗作太空人為自己理想會special d
大家可能以為我而家嘅夢想係可以做個social worker
做social worker 係好, 不過唔係我真正興趣,
如果俾我揀一個match with 自己興趣嘅職業, 我會做----歌星
其實由細到大, 我都好想做-, 仲要係想做個好似sammi 咁能歌善舞嘅歌星
細細個o個陣我已經好鍾意唱歌, 小學時已經好鍾意跳舞
尤其鍾意自己作d舞俾自己跳, 仲有屈阿妹一齊跳
我第一隻自己排嘅舞應該係小三時, o個時仲要有埋dancers (其實係我兩個妹), 首歌就係<<紅日>>
o個陣屈我兩個妹一齊跳, 我指點佢地舞步, 仲要自己唱首歌出o黎
而家諗番都好好笑
上到中學,form 2 o個陣就走左去做啦啦隊隊長---個helper, 因為可以自己諗d 舞出o黎俾d form 1 仔跳, 記得當年係用左sammi 隻<<愛有甚麼用>>…….好型o架!!之後每年都有玩啦啦隊, 因為做左house committee , 年年都有作舞同跳人地作嘅舞…..真係好開心
到左F6 , singing contest 入左final, 仲要入埋四強, 當時要唱難度歌, 我抽中左<<大日子>>, o係個台上面又唱又跳, 表演得好放,好enjoy
當年學生會攪d燈光場地都攪得好好, 再加上singing contest 唱歌參賽者係可以唔著校服兼化妝上台, 一盞大大嘅spotlight 就照住我, o係台上面唱歌就有d紅館唱歌嘅feel , 雖然擔心唱得唔好係有d緊張, 但可以咁perform 我真係好開心
我想做歌星, 主要原因唔係因為可以搵好多錢, 主要係自己好鍾意表演
我好enjoy o係台上表演嘅感覺, 如果可以將自己一d 技能表演俾人睇, 我覺得好有滿足感
最近睇部份女歌手嘅concert 同埋d 頒獎禮, 令到我又成日諗起做歌星呢個童年夢想……….
如果---我可以好似佢地咁o係紅館度表演就好喇, 一次, 只要一次我都會好心足
係度諗, 如果我有sammi 嘅樣貌, 杜麗莎嘅歌唱技巧 加埋樸志胤或者安室奈美惠咁嘅舞技, 我深信容祖兒一定冇定企……哈哈
夢想夢想, 其實都係只會o係發夢嘅想法, 都唔實際
況且, 而家娛樂圈都係講外表多過講實力……
冇外表, 盲算你幾有實力都唔會有人吼你
除非你肯……………………
我諗我都只會o係唱K 時先開到concert, 同我一齊唱K 嘅朋友真係”有福氣”喇 哈哈哈哈
唔----
原來當一個人做嘢做到好枯燥時諗下自己兒時往事同夢想, 發下白日夢咁, 都係一件好開心嘅事
唔知今晚發夢會唔會夢見自己O係紅館開演唱會呢???
posted by FRAIS FEMMES BAU @ 1/03/2005 05:38:00 AM
2 Comments:
我記得當年我寫係想做戰地記者，係咪好gag呢？我而家都想做，不過比以前更大想頭，我想做作家~~呵呵。可能只係一個夢想，無可能達成，不過相對你想做明星，我諗都仲有少少少少少少少少少少少少少少可能實現到卦。= =
果林
夢想有如一粒電蕊，搖控飛機有了它，便能在自由自在天空飛翔;
夢想有如山渣餅，飲廿四味時有了它，便能苦中帶甜;
夢想有如...
Post a Comment
<< Home