零四已死, 零五重生
而家已經係零五年嘅零晨1 點30分剛剛同比比一路睇vcd 一路過渡到2005年
兩個妹都出左去玩, 正確d o黎講, 一個出左去, 一個冇番過屋企
一如以往, 我都選擇左留o係屋企同媽咪過, 當然仲有比
雖然媽一早就走左去瞓, 雖然冇同媽咪一齊做d乜去慶祝, 但physically 我都係同佢o係一間屋入面, 對於我o黎講我地已經一齊過
2004年, 對於我o黎講係一個可怕嘅年度, 當然有開心嘅事發生過
但到呢一刻回望04, 我只感到好可怕…….
最深刻嘅一樣嘢係, 自己患上左eating disorder , 而又有一d 強迫症嘅病徵
雖然未經心理治療師診斷過, 但counselor 已經幾sure 我係有呢方面嘅問題, 只不過係嚴重性嘅未係大到要見心理醫生……….好記得佢同我講, 若果我仲係咁, 我不但做唔到一個社工, 更加唔會得到人地嘅愛, 因為人地將唔會識得愛我, 更嚴重嘅係--------會性命都賠上
冇諗過自己竟然會有d咁嘅問題……
其實真係好想擺脫呢個困擾自己嘅病態, 不過真係攞唔出決心
記得見vivine 時佢同我講過, 冇決心都係病徵之一
最近, 照鏡時見到自己塊面腫左好多, 因為扁桃腺腫左令到塊面都腫左, 個胃又開始有事, 身體真係出現左唔少毛病…….
開始suffer 惡果, 好唔開心嘅同時亦好覺得係自己攞o黎….係自己一手攪成自己咁…….
大半個04年都活在呢個病態下, 新嘅一年, 我諗要將呢個o係04 呢d 影響自己嘅嘢狠狠地埋葬, 埋葬係一個永遠我都去唔到嘅地方, 我唔想死, 就要先令04
o個個自己死先………要先得到自我解決, 先可以面對前面,解決自己嘅問題
做左一樣好差嘅事, 好似一個儀式咁, 象徵一切唔好嘅已經死左
我知道係好傷害自己, 但我都做左, 我要自己永永遠遠都擺脫, 以後都會記住呢一晚自己所作嘅告別
除左自己個病之外一我覺得04年有好多嘢都好值得我去好好記住, 好好感恩
媽咪身體好左, 個人精神好左, 又食得又瞓得, 我感覺到好放心; 雖然我知道佢有d心事我真係唔知點可以幫到佢去抒懷……….但我嘗試從佢個角度, 真真正正去諗下佢嘅處境同感受, 我對住佢有時無啦啦情緒到時, 都較以前接納程度大左………………………….
好開心可以o係紫藤做到義工
真係睇到好多嘢, 紫藤亦讓我做左好多嘅第一次……
見識左好多嘢, 學識到做cd 一d 較為真嘅價值, 睇到咩係真係client-centered , social action 又係咩一回事……體會到要fight 觀念上嘅嘢, 當中經歷嘅艱辛, 當中必須要有嘅一d 堅韌…..
紫藤---除左係一個學左好多嘢嘅地方, 亦係一個令我不斷反思嘅地方, 反思價值觀, 反思自己一d 心態, 反思社工呢個profession ……一d o係課堂上好理論嘅嘢, 點樣可以o係service 裡面實行, 做一個言行一致嘅社會工作者,
雖然仲有好多嘢都仲需要好多時間去整理……….真係好有得著
開心嘅仲有…..識左幾個好啱傾嘅新朋友, 佢地有好多嘢都係好值得我去學習…同自己又好啱傾….佢地嘅出現, 令到我生意豐富左……令我不致於因為同d一曾經好好朋友嘅朋友疏遠左而好低落
仲有啟蒙嘅莊員, 同大家合作左成大半個莊期, 發現到大家都好powerful , 好積極, 而且仲好caring……………..雖然自己曾經因為一d 不滿而打算quit, 但莊員們嗁關心令到我又燃起一道火……令我重新積極…….無疑, 我個性格真係幾serious, 都幾mean, 講嘢又掘, 仲幾硬頸………一切莊員都包容左, 好感謝你地, 特別係芬芳同肥妹…….從你地身上我學到好多嘢, 亦睇到自己好多嘢
不得不提當然仲有比比
原本想o係只為佢而設嘅日記上面去講出呢一番嘅感受, 但諗過之後, 我覺得我要o係其他人前去肯定佢嘅好, 唔係零零碎碎嘅, 係延續而又完整嘅
過去一年, 同比比渡過左好多快樂嘅時光, 亦曾經有過好谷底嘅時候
曾經, 我差d就親手撕毀左一份對自己無私嘅愛, 自己嘅無理同唔成熟, 迫到一個明明好錫我嘅佢決定同我分開, 佢對我嘅唔理睬, 甚至逃避令我深思番自己過去嘅一切行為………..o個幾日相信係我04年最難捱嘅幾日…….好怕會失去左佢……..同時又覺得自己唔deserve 有一個咁好嘅佢………
幸運地, 佢原諒左我, 我地冇分開…..
對於呢一段好似失而復得嘅關係, 我更加小心翼翼去處理
我要自己改善, 多為佢諗, 多體諒佢
面對感情, 我好自我, 甚至乎自的私……..過程係好辛苦, 當中一個人喊過好多次, 亦試過控制唔到而崩潰….我開始捉摸到咩係溝通, 作過好多嘗試, 我諗, 呢個過程係仲會繼續…..
到左今日, 我地互相關心, 互相支持, 爭拗總係會有 ,但argue 時 比多左一d容忍, 而我又少左d 衝動, 大家都講多左自己心裡面最真o係句
雖然間唔中會有一d 偽裝表現, 但大家都知道intention 都係出自care 對方
同比去過旅行…….睇番d相真係好開心…..仲記得有團友以為我地係兩公婆
好感謝比比嘅愛…..
因為佢真係一個care 我多過care 自己嘅人
佢成日都會留意我有咩係需要…….佢就供給我所需
佢俾唔到好名貴嘅俾我, 但佢永遠俾佢最好嘅俾我…
我患左病, 無論係身體上同精神上, 佢都會o係我身邊用盡方法去支持我, 陪我撐, 從來都冇離棄過我………
我脾氣唔好, 好多時佢都會以笑容去消減我嘅怒氣…
來年, 我相信我地會更加好……
04年----死左喇
05年----我會更有willpower 去做我嘅嘢或者唔做一d 唔應該做嘅嘢
我會更加惜福,
因為我已經重生
posted by FRAIS FEMMES BAU @ 1/01/2005 02:55:00 AM
0 Comments:
Post a Comment
<< Home