交流之後 (一)
好多謝mandy 留左個咁長嘅留言俾我, 我覺得你真係講中左我要害或者, 我真係一個完美主義者………希望o係莊務上唔會令到你有好大壓力啦
我會盡力改善………我知道如果我可以接受一d limitation , 第一個得益嘅會係自己…..
細car, 感受到你關心, 有機會我都好想同你傾下計, 仲有, 好多謝你咁helpful 幫手啟蒙嘅青年服務….你係第一個year 2 嘅同學幫手, 講真我地啟蒙人都有好多嘢唔識, 真係要o係活動入面學習, 希望我地會part 得好同埋學多d嘢…
今日鳳鳳同我講, 佢對自從交流團之後hyper 左, 對啟蒙commitment 大左
o個一刻好開心, 亦好有同感
4日3 夜交流團, 做到一隻嘢咁, 真係都幾辛苦
不過好enjoy 好忙好忙嘅感覺, 諗起william 同cheire 都有講過嘅存在主義
我有少少覺得, 我感覺到自己存在, 係因為自己忙, 知道自己有嘢做…..
, 最開心係同莊員之間合作得真係好好, 莊員們除左好努力去做每日要做嘅事之外, 仲好知道我性情……….用佢地嘅長去補我嘅短
每日都會分別聽到mandy , 鳳鳳同肥妹同我講『冷靜d』
而家諗番都幾好笑!!!!
我知道自己o係個4日3夜係一個超級神經緊張嘅人…….好聽d 就話我係工作狂, 其實我係唔識得放鬆, 精神錯亂……如果冇左莊員們嘅配合同提醒, 我諗好多嘢都會好亂
overall o黎講, 整個活動rundown 都係on schedule , 有早冇遲, 估唔到參加對紫藤嘅反唔錯……..好開心佢地都好理性地話未必會完全接受阿嚴同佢講嘅嘢, 不過大家似乎對姐仔睇法都有左多一角度, 唔會咁片面…….令我最開心嘅係, 佢地真係知道紫藤對嘅信念同打不死嘅工作態度……..其實我就係好想佢地睇到呢d嘢
佢地仲對正生會同埋歷奇有好深感受, 不枉阿威同mandy 嘔心瀝血………mandy 咁辛苦去煩正生會都係值得…….(thx mandy, 你真係一個好supportive 嘅莊員, 又有幽默感….人又positive)
四日三夜
最記得唔係行程中安排中嘅活動
而係每一晚整day run 完, o係房入面e 會同埋briefing 第二日rundown 時間
每一晚嘅呢d時刻, 雖然仲要開會, 但相比日頭衝住去嘅行程, 覺得個人真係relax 好多
其實每一晚大家都好攰, 好需要休息, 但似乎莊員們之間都有一種默契, 就係今日要做嘅事唔可以拖, 掂攰都撐住
每晚開完e 之後又要立刻埋數, 都見到阿鳳對既大但無神嘅眼, 講真有d心痛…不過, 唔做又唔得, 積落d數唔清會好麻煩
呢幾日, 真係要好多謝鳳鳳, 因為由頭到尾, 佢都陪住我同班參加者, 冇走過
每一日坐旅遊巴都係令我最擔心佢嘅時候, 因為搭慣火車嘅佢係會暈車浪o架, 有一日仲要嘔tim….真係擔心死我, 但偏偏我又要成日handle 其他嘢, 真係忽略左佢……..好彩牛牛先生最後o個日接佢走, 照顧佢, 如果唔係我真係怕佢會瞓低………
posted by FRAIS FEMMES BAU @ 1/27/2005 01:42:00 AM
0 Comments:
Post a Comment
<< Home