Saturday, April 23, 2005

朋友

今日只係番去上pe , 因為考「吊臘鴨」(fixed-arm hang), 竟然冇數到時間, 做多左成倍時間, 真係好白癡, 一定變大隻妹喇, 唔要唔要…….我唔要粗壯的手臂

cherie 傾左關於出field 嘅嘢,

換轉係我, 我諗我都會係好唔開心, 好唔想放棄自己一d 既有嘅原則; 我唔係o係佢個位, 我知道我感受唔到佢所感受, 我都我知道我講o個d 嘢廢廢地, 其實都只係想佢唔好咁擔心, 我見到佢咁唔開心, 我自己都唔安落

而我嘅角色唔係俾到最大support 佢……我期望只少可以令佢feel comfortable 多d……..但經過今日, 我知道自己做唔到

我希望佢會過到…….

約左果林, 同佢去左o個間酒店式服務, 茶餐廳價錢嘅小餐廳食嘢, 果林都話好味

同果林傾計, 由講住hall , 唔知點解講到最低工資…….原來果林同自己睇法好唔同

同佢越傾越激動…… 對唔住, 我太過impulsive, self control 太低

o個d 想說服人嘅性格又出左o黎, 我咁激動, 我知道攪到個氣氛好僵, sorry

今次令我知道自己要好好反省, 要學識點樣去處理同自己好唔同嘅聲音

果林話, 可能有一日會係電視見到我……. 哈哈, 如果有一日自己做到上傳媒,在我角度, 係一件值得我去開心嘅事(到時可能upset 你!!)

我都仲係有信念….. 我希望自己會向住我信念走,走得幾多得幾多

同果林去左海傍, 今次飲左支sub zero , 好似飲汽水咁, 當然掛住black label , 不過, 我唔會再衰, 我唔會有再俾機會肚腩先生將d 責任推晒落我度……

朋友角色唔同左, 令我有d 唔習慣, 而家同朋友相處, 仲要諗多另一個唔識嘅人嘅感受………. 我諗我要接納,

開始明白到o個時andy 的無奈, 對唔住ANDY , 雖然遲左好多, 希望你會接受 , 我會珍惜你 !!!!

只係幾個% , 但唔知點解都有少少頭暈, 面紅紅咁上左巴士……有D 擔心自己會瞓過龍….好彩, 意志令自己冇瞓覺, YEAH YEAH ^0^

晚上嘅時間…..又係諗嘢嘅時間, 又係情感宣洩嘅時間

d 失落, 點解分左手一定朋友都做唔成

原來佢所講嘅關心要視乎大家嘅身份而定

脫離了便抽離……….一個係咁, 兩個都係咁

當我明白時, 我就會知道自己係幾咁天真,

一切都好明白,呢一刻, 我選擇放棄

一段愛情嘅結束, 連帶失去埋一份可以好neutral 嘅朋友之情, 可惜, 但亦可笑

這就是男人!!!!!

明天番去社署同佢地一齊帶活動, 又會見到d ……

包包要加油

在工作中找快樂, 從忙碌中找自己!!!!

2 Comments:

At 4:45 AM, Anonymous Anonymous said...

或者我令你知道社會上有對世界不抱希望而沒理想的人,因為我是其中一個。當然,我還是欣賞你。
我希望你明白,沒必要遷就我。我已經成年,我要陪伴朋友,誰也阻不到。我真的珍重你,你有需要,我一定跟你待天光。我有一個珍重自己的人,同樣,我會珍重曾與我出生入死的好友。有些事會改變,但....我還是想著你。
至於,你夜來那個電話,對不起。我很想給你一個擁抱。有很多事,我知道道理,但也顧慮你的立場。也許你們各有苦衷。但願你平安過渡這個placement。隨時找我,18日,考試結束。

 
At 7:05 PM, Blogger 肥妹 said...

包包:
肉麻點都要講我好鬼掛住你,近來我同你無咩緣份常常見不到你,希望你唔好再瘦左,否則一把微風吹走你。
實習如何?相信有不少壓力,而且可能有點吐血兼迷惘感覺,不過希望壓力變成動力,從解決問題中變得更堅強,希望我們能在實習中學習獨立成長。除了以上老套說話,還有一句:『你要加油!』
如得閒可以找我吹吹水^^肥妹

 

Post a Comment

<< Home