為死亡準備
上星期番恆安屋企時，媽咪同我講，嫲嫲情況好差，可能都撐唔到幾耐知道左之後，心裡面一直都好不安
衝完paper衝完考試之後，個腦一直都諗住，當時以為自己心理上準備好面對，以為自己生活可以如常，可以唔受影響去完成手頭上堆積如山嘅功課同埋呢兩個星期嘅兩科考試…..
琴日同媽咪`及三妹又上左大陸一趟
見到嫲嫲
估唔到嫲嫲情況真係好差，瘦到好似骷髏骨咁，講嘢冇氣力，皮膚都黑左
感覺到距離死亡真係越來越近
見到佢，只係忍住眼淚都已經完全唔識講嘢
摸佢隻手，同捉住骨頭冇分別
屋企入面嘅新生命同即將逝去生命嘅對比，感覺好傷感
好似有一命換一命嘅感覺
見到爸爸為左阿嫲勞碌左咁耐，到而家嫲嫲身後時已經準備好
但知道佢又要為新生命再繼續勞碌，擔心佢之餘都覺得心痛
但我又可以幫到佢d乜??????
由o係大陸番香港一直都喊過
但心情真係好差，唔想番自己屋企
去左接比比收工，去左佢屋企食飯再做功課
嘗試努力去做，但做唔到…..即使當中jenny 冇打俾我，我知道都係做唔到
夜晚個肚又再無故脹，個腸胃攪左咁耐都未攪好自己已經好唔開心
再加上又諗起阿嫲呢個病都係充滿腹水而肚脹，真係覺得好辛苦
夜晚瞓覺時，終於忍唔住，喊左好耐
諗左好多嘢，諗過去同嫲嫲一齊生活嘅片段，諗將來佢離開時我要面對嘅事，諗功課、諗考試、考placement ……. 諗屋企人
好似一夜之間，將自己一直都唔想諗嘅嘢，唔想面對嘅事都諗晒
確實係非常辛苦
有d 擔心，到嫲嫲有一日離開時，我emotion 會頂唔住，最終影響placement
本身今次都做得唔好，自己再唔識handle 自己emotion ，可能會failed 可能會extend，兩樣我都唔想
我想快d出o黎做噖
要面對嘅始終要面對
唯有同自己講，又一次自己要成長
但反問自己，係咪真你可以諗得咁開
發完勞騷
要出嘅emotion都出了
完
posted by FRAIS FEMMES BAU @ 12/14/2005 11:00:00 AM
1 Comments:
我在大學這三年面對了自己的公公及婆婆相繼於一年多去世、他的婆婆亦在一種不自然的情況下去世，所以...你的心情我是能理解的。
抱歉妳在跟我說的時候，我沒有多留意你的情緒~~知道妳很不開心，我可以做的只是像你支持我那樣支持你~~
Post a Comment
<< Home