Saturday, January 29, 2005

在山洞中

而家嘅我處於山洞
呢幾日作左一個決定…….平靜去面對
我需要一個空間去諗嘢, 去同自己傾計, 想問自己, 究竟想要乜…
要諗下前面嘅路應該點行

面對感情事, 一向都用好多energy, so 呢幾日情感上好攰
感情帶o黎嘅煩惱, 令我唔可以好好focus o係自己要面對嘅事上…….
好唔想去諗, 但只要一得閒, 腦海入面就浮起左好多嘢
各種情緒就跟住o黎…….
工作係咪真係可以麻醉???????????


琴日過左好充實嘅一day
上policy , 講合約制……………..有d 無奈
上堂之後就同j佢地開文化project 個會,firm 左係南亞裔小朋友 進度令人滿意, jenny 加油!!!!!
上pe , 又舉嘢, 仲要計埋RM , 真係攰死左!!
落堂去左city開年宵個會, 第一次做sales, 梗係覺得自己唔係好適合sell 嘢….不過, 今次就當係自己一個新嘗試, 最多賺少d $$$$$ , 我諗都應該會學到唔少嘢

meeting 完左就一個人去左行街等友人放工
去左睇書, 睇到d 講貓貓嘅書, d 貓貓真係好得意
又行左花園街同金魚街,行過紅蘿蔔 又見到貓………….,兩隻貓o係互相追逐,真係勁可愛,好想抱左隻貓番屋企….

行到對腳好攰, 仲有少少暈, 先記得自己成日冇食過嘢………竟然連自己有冇食嘢都唔記得左….. =_=
好彩友人都到左旺角…………..去左食蒜頭屋, 真係多到………….飽死左

行左落海傍飲酒…………., 心裡面有好多嘢, 但到o個一刻咩都唔想講….,冇諗會咁快就wing, 高估左自己酒量tim > <
wing左之後, 雖然個人都仲有幾分清醒, 但係一d 掛心嘅事可以放輕一d, ….原來, 一真係唔可以成日都咁清醒
走嘅時間只係知道個頭好暈…..辛苦友人照顧我!! 衷心咁多謝你

我要儘快進入狀態, 投入忙碌生活

1 Comments:

At 2:17 PM, Blogger 大山 said...

包,其實我覺得感情上的你很勇敢。至少,你願意理智地想想自己現處的境地。有時候,我都覺得自已不敢「檢討」自己的感情。說到底自己是有點怕這個男人真的不是自己所想要的… 所以我覺得你很厲害!!

躲到寧靜的地方瞄想一下,想一下自己的事,可能會有一點領會的。加油!

 

Post a Comment

<< Home