沿途紅燈再紅 ‧無人可擋我路 *Underneath the Surface*: February 2005

Monday, February 28, 2005

不正常的生活

今日一整日都好唔舒服, 好攰
夜晚同wasabi 去左放肥女妹… 傾左好多嘢
唔知點解, 唔係好想同朋友講關於宗教嘅嘢

晚上, 又嘔喇..
呢排成日都係咁, 只要食得多d, 或者心情唔好都會嘔
究竟係個身體有事, 定還是係心理病???
好辛苦, 唔想再嘔,我想正正常常咁出placement
很累, 但又要回到工作的狀態去!!!

Sunday, February 27, 2005

四個會議

今日好full 呀
一早番左BU 聽左關於Live supervision 嘅嘢,以為同學仔都會到, 點知…. 得我一個學生, 對住全部都係field work 嘅supervisor ….仲要係來自唔同院校, 最重要嘅係RITA 都係度…因為佢hold 個會….仲要坐我隔離
佢地d 阿sa 以為我係學生代表… =_=!!!!!!
今日主要講power issue 同relationship
聽左唔同setting 下, 唔同阿sa 嘅做法同背後rationale, 睇左一d 唔同perspectives
雖然得我一個學生真有d驚, 不過, 覺得從佢地嘅討論中學到好多嘢….第日當我知道邊個係我阿SA 時就可以COMP 好, 唔洸第日有misunderstandings..
臨走時, rita仲問我學唔學到嘢…..

離開bu 去左rl 7 準備今晚開會d 嘢之後就去poly 聽分享會
受虐婦女同我地share 感受
o係個分享會, 睇到兩樣嘢……
o係中國父權社會, 兩性之間嘅不平等 , 對女性嘅唔尊重, 再加上一d 好落後嘅家庭觀念, 造成咁多受虐女人, 造成咁多擁有不愉快童年嘅小朋友
仲有作為社工, 我地真係好需要對我地嘅client sensitive同埋抱住non-judgmental 嘅態度, otherwise, 我地呢d 所謂profession 都會成為家暴凶手之一
席間, 婦女分享佢地嘅經歷…….佢地都講到喊………..
見到佢地咁, 我又諗起自己屋企……….一幕幕好多年都冇諗嘅景象又再出現o係個腦入面………..似遠還近, 原來一我係咁長大過o黎
感受到佢地每一滴眼淚負後嘅辛酸….佢地面對自己同家之間嘅矛盾………
自己都覺得好唔開心, 都好想喊…….
走嘅時候威威問我點解唔問婦女問題…
其實自己有好多嘢都好想問佢地, but 自己emotion 真係好唔得, 一問就會好似威威所講「失禁」(流淚, 仲要係收唔到o個種)
so , 有好多嘢都唔問, 寫左紙去support 佢地,
我知道一佢地已經走出左煉獄, 雖然前面一定仲有好多挑戰, 但佢地一定會夠勇氣同力氣去走出自己幸福嘅路

完左分享會就係fs 個上莊分享會, 我一個人去左poly canteen 度睇下d doc….
唔係自己地頭,.真係好唔習慣
之後就係Core team final product 開會, 做左take minutes嘅一個, 定左好多deadline, 之後就係我地3rd program core team 開會
真係殺到埋身喇, 而家先開始覺得緊張……. 係咪自己之前commitment 唔夠呢?
又有好多嘢要整喇

好忙呀!!! 我地會好俾心機去做o架
做好symposium 做好closing ceremony
ex-co 加core team , 加油!!!!

覺得christy 好可愛, 真係好似肥肥人, 人又靚….. reli nice !!!!

好多死線在我面前, 要死好多次!!!
祝福自己, MEET 死線之前唔好死!!!!

Friday, February 25, 2005

單身女子

而家習慣左做嘢會開下歌聽, 因為夜晚比較靜, 聽下歌好有feel
今晚做嘢聽番sammi 一首舊歌<<單身女子>>
melody好好聽, 聽番梅姐把聲
先記得, 原來佢係過左身
記得呢首歌嘅MV o係梅姐同sammi o係茶餐廳一路食雲吞麵一路唱歌, 好似傾計咁…..好得意
歌詞都好似好有意思….. 聽完心情都靚d!
3點半----要去瞓喇

單身的一個如單身應該好好一起過
朋友一一出閣情侶有哪對真正是快樂
如果今天拋不開的只得工作便開開心心的工作
誰不識單身的感覺如寂寞就是錯
就算當上天後但想得到一個伴我走到天後食晚飯著新裝
就算可以不倦但得一雙肩膊但我可以依旁如若你這刻想跌倒

男友說走了喊便喊出來
男友說謊了你別太悲哀
自信喪失了相信你可愛然後該放開都放開或者不需戀愛

單身的一個如單身應該好好一起過
如一支花高貴玫瑰要湊夠一札愈美麗
藍色生死戀戀得多麼的悲壯談生生死死多麼錯
如單身應該相依相親一起過無人陪便伴我

就算當上天後但想得到一個伴我走過天後落翠華說天光
就算戀愛轟烈但不出功課沒有戀愛包袱陪著你慶祝自由多

男友說走了喊便喊出來
男友說謊了你別太悲哀
自信喪失了相信你可愛然後該放開都放開

男友已走了似沒有將來
全世界都說欠伴侶悲哀
而我更相信單身也可愛
能換骨也識得脫胎放下愛

Thursday, February 24, 2005

山洞again !!!!

呢個星期,好大壓力, withdraw左4日堂,冇上堂, 冇去啟蒙service , 冇開會, 冇social life
spend 晒d時間去做基金report 同FS 研討會資料搜集
上兩次fs開會時, 因為俾其他人揀先, so , 我要做關於社署嘅資料--------真係好多嘢要睇呀………. 又report , 又立法會文件, 仲有社署嘅指引….仲有search web about guest 資料……………
啱啱終於算係做完左FS Symposium 資料搜集…. 睇完做完之後都仲係覺得自己有好多嘢miss 左, 有d 無助!!! =_=
之前做基金個report 做得好辛苦,太多最終meet 唔到deadline 交……. 但又要要做埋FS d 嘢先喎
不過係自己攞o黎……. 冇得怨!!!!!

呢幾日係咁lei o係屋企做嘢, 又冇上過堂, 覺得自己真係miss 左好多好多嘢, 真係死梗喇
留o係屋企多左, 聽多左媽咪好多說話, 好難受囉!!
點解佢總係唔明白我, 唔會appreciate 一下我對佢嘅關心, 佢究竟想我點
咁多嘢做, 真係好大壓力, 但偏偏呢個時候, 佢就俾說話我聽……. 真係好想同佢講, 我已經o係我能力範圍內儘量做
開始覺得自己想同佢疏遠………即使我最愛仍然係佢
不過, 今次真係做唔到扮冇嘢

呢幾日心情真係極差
唔係好想見人
好怕人關心我……. 我感謝人地嘅關心
但關心我令到我好唔自在….不如俾我自己攪掂算….唔好理我就係最好嘅方法
呢個時候我真係lei 左o係自己個山洞入面-------- 一個人
即使別人關心, 都係好有選擇性地去接受…..

accumulated 左嘅問題令到我透唔到氣…….
Then 再repeat 左一d 舊問題
我知道要去搵人幫我, but not this moment

發完勞騷
又要繼續做嘢
唔好 lam 低

Wednesday, February 23, 2005

趕

趕
作曲:曾家瑋主唱:薛凱琪填詞:關孝龍
凝看我路向　只盼找到新方向欠了找不清的賬　以致苦戀的下場
誰說我硬朗　不怕歷盡大風浪跑過多少個牧場　雖說不可以翱翔無奈咬實牙關最後　趕不上＊花光氣力追也沒法　趕到共你雙雙的趁墟　哭乾了眼淚　不管抱著誰　只想愛能平凡像清水＊

＃只懂拼命追也沒法　趕到令我實在有點累　
即使愛極動人像香水　可惜雙方各有些顧慮　如若捱下去　心窩各自碎
＃而我已累了　不夠支撐多一秒我已不懂得呼叫　跌進苦海的浪潮
捱過拼命過　不過並沒大幫助照樣一般雨滂沱　霜雪紛飛也奈何
還是寄望餘生追得上別個

Repeat＊＃我與你像兵捉賊般追與趕
這麼趕　看多一眼也沒看
我及誰人強悍　但也早早厭惡了追趕
Repeat＊
只懂拼命追也沒法　趕到你令我實在有點累
即使愛極動人像香水　可惜雙方拒絕捱下去彼此各自流淚　心窩各自碎
無法愛下去　都要獨自地安睡各自覓尋伴侶　不必說下去

Tuesday, February 22, 2005

機器壞

成日都會聽到d 老人家講: 年紀大機器壞
近期發現自己嘅情況都幾適合去講呢d 說話
今日食左三餐, 但嘔左兩餐
下晝時就最嚴重……… 原本諗住試下食多d , 叫左個炒意粉….. 點知食完之後連個早餐都嘔埋出o黎 =_=
聽完分享會番到屋企…… 食左個蛋糕, 又嘔過
究竟發生咩事? 食完嘢唔係不停嘔胃氣就嘔食物,簡直人都癲!!!!
, 連食嘢都咁煩, 有時真係唔係好想食……………

嘔完之後, 成日個頭, 腮同後頸都好痛………好暈, 集中唔到精神!!
Cherie 成日都叫我去body check , 但我因為怕自己會到d 咩病, 一直都唔敢去
就快出placement, 有d 驚身體會撐唔住
如果持續係咁, 真係驚有一日會食道癌, 同埋我都好唔想會面腫腫

我想要健康!!!

Saturday, February 19, 2005

文化一天

今日番學, 同啟蒙buddies 過左一半嘅時間..
一早就番左學校開今晚義工briefing 嘅準備會
之後去左上policy , 阿bottle 哥坐陣,講青年失業, 都幾鍾意佢從一d 文化嘅角度去睇社會問題, 同同學仔都好似有幾好嘅discussion , 幾開心
之後又去左hall can 陪佢地食lunch , 見到好耐冇見嘅皮爸爸
我地兩父女成日都串o黎串去, 真係好開心

上pe , 今日運動量簡直係以往咁多堂嘅和, 又跑步機, 又單車, 又漫步機, 又做腰腹, 又做手, 仲要做埋個sit up 同push up , 真係攰到傻…….
上完pe 堂先知道cherie同阿邦真係可以攪六四exhibition , 仲得到莊會support真係好,
其實我都好想同大家一齊努力, 不過我知道我真係take up 左太多嘢上身, 我分唔到身……….. 只能夠默默地支持同學
之後又係開文化會
發覺hyper 已經成為左我地嘅文化
成日講埋D 無聊GAG嘢, 不過同啟蒙人開會真係好歡樂,但歡樂嘅同時又會傾到嘢做到嘢唔係好似o係出面開D 會咁…
開完會就係briefing , 我地又淨係識得自己講自己笑………………
甚麼早剷遲剷, 真係好爛的gag…………….我諗只有我地幾個白痴婆先會 “陶醉”其中
好開心義工們好合作…..
真係好想快d 到星期日, 可以同南亞裔嘅小朋友玩, 雖然身為oc , involvement 一定唔會好大, 不過, 有得同佢地傾下計, 知道佢地多d 都好好啦!!!!
完左briefing 去左搵mark 仔, 同mark 仔傾左成個鐘, 講到o個個變性人, 雖然我唔認識佢, 但我真係好佩服佢能夠好勇咁面對自己, 面對世俗…… 覺得, 雖然唔係每個人都接受到佢, 人地會睇唔起佢, 會歧視佢, 但佢真係活出自己, 活出尊嚴…………… 好想有一日, 姐仔都可以好有尊嚴咁生活 (成幾個月冇落區…….真係好掛住紫藤, 好掛住姐仔)
搵完mark 仔之後就番屋企
一路上真係好凍……………………..
番到恆安, 經過舊日遇見阿貓嘅小草叢, 又回想起只得8 度嘅夜晚…一隻流浪貓加一個紙皮箱嘅情景
又掛住阿貓, 都怪自己呢排睇得貓多………..
我嘅阿貓而家o係天國, 唔會捱凍……亦唔會捱餓, 我知道佢生活得比我開心
不過----------- 我真係好掛住佢!!!!!
一day 就咁過左
晚上是努力的時間…………

Thursday, February 17, 2005

完了

哭了一整個晚上……………………..
面對這一段關係, 開始覺得無力…
所有的努力, 似乎在一夜間…………… 被否定
我承認, 那一些日子, 我的確跟這個人保持了距離……. 因我突然發現, 我渴望去處理一些關係上基本的問題…..
我想有更好的溝通, 我需要空間去重整一下自己的想法, 重整一下維繫的模式….
我知道我們的愛情是建基在一個嚴重互相遷就的關係上
我發現失去了自己, 我只看見對方的需要, 但卻不聆聽自己內心的聲音
也不會說出最真心的說話,
是因為當初我那對憧憬愛情的那個夢已經破滅了, 經驗告訴我, 越是真心的說話,越是傷害他的武器
而我直接的性格, 也就是成為了不斷割他的刀
為了維繫這一段關係, 我迫自己改變, 把武器收起, 經歷了非常非常痛苦的過程
我不想自己成為他的負擔…..我要證明他對我的評價是錯,
我不是剝削他時間的人, 我更不是他的絆腳石,
我想他多
我迫自己去學習依賴自己,做自己情感上的依靠者
這一天我做到了, 我做到了獨立, 我知道對他, 我少了當初的熱情
可是在這一個時候, 他卻想得到多一點的熱情…………. 這使我非常不習慣, 甚至抗拒, 抗拒的不是他這個人, 而是他對關係上的要求
看在他眼裡, 他覺得我得到了釋放, 覺得我享受這種生活模式 ……
抽離的日子,其實我也非常難受, 我每天也為感情上的事而煩惱… 使我完全失去了工作的動力….. 他不知道
我知道我跟他坦白是我的責任…….

我跟他說, 家庭是我的第一, 事業是我的第二, 而愛情我會放在第三
但這並不代表我已經對他完全沒有感情…..更加沒有第三者
這年多的日子, 他對我的好, 我是完全知道,
我知道我的直接使這個人受了傷, 我知道他內心痛苦憤怒, 他比我更傷心
我知道我太直接, 我傷了他, 我知道自己錯了
我想跟他好好討論我們之間的關係, 我想倒是有修補的可能,
雖然我知道我們的關係可能面對真正分手的結局, 但我想知道他內心的憤恨, 要是完結, 也是一個完整的完結
我也知道他自我防衛, 他拒絕溝通…….. 他的說話似乎表示他向我抗議
我不是一個善解人意的人, 我也缺乏耐性, 對於他那種一而再再而三的說話, 我也感到受傷害…
一餐平常的晚飯, 沒有任何特別動機, 卻得了這麼一個教人傷心的結局
我是有嘗試補救, 但他一再拒絕交出他的心底話使我疲憊…..
這一刻, 我仍然很想知道他內心的想法與感受
但似乎我再努力也不會有結果
我不想這段感情在不明不白的情況下完結…..
但現實中, 似乎不是我努力便可以
我傷心, 但我也要抱著let it be 的心
可能, 世事往往不可能明明白白

我知道他需要愛
但, 其實我也需要
沒有被愛, 去愛人, 很辛苦

如果今天是正式劃上句號的日子
我擁有過去一年九個月的日子
我感激他對我的好, 感激他為我付出的
我記得我們之間發生過的事
我想他知道, ,從你身上, 我得到了成長, 我們的日子並沒有白過

我會相信他會找到一個更好的人陪他走下一段路
祝福他

希望, 有一天我們會是朋友

Tuesday, February 15, 2005

預計

因為之前真係waste 左好多時間
開始foresee 到自己o黎緊嘅日子會打少好多日記
因為首先要「清還債項」…..然後就要做功課上嘅嘢..
仲有要準備placement ……… 日記可能成為左luxury
不過我當然仍然想多打日記, 等自己可以keep 住reflect 自己, 亦都希望大家可以知道我多d 嘢….

今日收到tommy 寫俾我嘅一封信, 睇完之後好開心, 冠謝莊主always 咁supportive….thx >3<
另同學們同我補唱生日歌…..收到同學們嘅卡, 睇左佢地寫俾我嘅嘢幾次, 原來大部份同學對我嘅睇法都差唔多…………….令我意識到有d 嘢我要change
同啟蒙buddies 去左又pre-trip, 有d似忙裡偷閒去旅行嘅感覺, 渡過左好愉快嘅幾個鐘
夜晚聽左c & y 分享會, 好似都幾有挑戰性
最令我覺得驚嘅係, 我應該都唔會太貼近佢地嘅文化, 因為自己真係太冇潮流觸角……………一定會俾d 細路笑我娘…….then 就冇話題…..都------幾弊
要開始equip 自己喇!!!!!
要搏老命!!!!!

Monday, February 14, 2005

想通了!!!!!!

近日, 俾一d 煩擾我嘅事攪到我完全集中唔到去做嘢……
有d 嘢積左落o黎, 一堆堆等住我去清

今日終於通左…….
夜晚同同學仔在icq 上坦誠嘅對話, 令到我真係通左
首先知多左, 然後自己就諗得多左,
諗通左之後, 心情好輕鬆, 因為自己唔會再為自己製造d 無謂嘅煩惱
而且, 當自己對一樣嘢完全不抱任何希望, 其實意味唔會有失望
當一個人懂得時時prepare for the worst 時, 可能生活往往都會有驚喜, 少少都可以令生活過得開心
或者呢d 就係生活嘅藝術, 快樂與悲傷, 可能都只係我地嘅選擇(好似reality therapy tim!!!)

最近睇左cherie 送俾我o個本書<<家庭舞蹈>>
真係好好睇, 有好多內容都好impressed 我,
睇完之後, 雖然自己o係輔導方面仲好係好不足同冇信心
但好似有左一d方向……
睇到書入面嘅一d case , 我又好自然地諗到自己個家庭, 會諗下究竟我個family 係一個點運作嘅系統??? 家人之間嘅interaction 又係點?????? 我個family 對我成長嘅影響又會係點???? 好多個問號
浪費左成個假期, 我可唔可以追得番d 嘢呢????/??
包包要盡力而為
<<沿途紅燈再紅無人可擋我路望著是萬馬千軍都直衝我沒有溫柔唯獨有這點英勇 >>

收到一份我覺得好貴重嘅生日禮物, 多謝你
我真係好鍾意, 不過太貴, 唔值得送咁貴俾我

Friday, February 11, 2005

迎接新開始!!!

又係新一年
今日係年初三, 今日先得閒update一下diary, 大家有冇掛住我呀??? J

今年過左一個都幾特別嘅年尾
往年連年宵都唔會行, 亦唔會做sales嘅包包今年竟然去左年宵做sales, 因為support friend 之餘, 自己都可以學下嘢
經歷都真係幾特別, 雖然唔係一個happy ending
真係好辛苦啊!!!!體力上同精神上都係, 體驗到人地做sales 嘅辛苦
一向自己都唔係好鍾意俾人點去做嘢, 但今次因為自己只係小職員, 就一定要聽老細話, 縱然有d 嘢我並唔覺得好合理
今次經驗令我認清自己真係好蠢囉!!!! 真係為左努力而努力, 但原來一直俾d 奸老細利用仲唔知, 又唔敢say no, 只係識得搵人訴苦……………做左幾日,食冇定時, 又唔夠休息, 把聲拆晒, 又瘦左……………..都怪自己真係缺乏工作經驗
覺得今次反映左自己係一個好唔識得變通嘅人, 只係一味堅持自己, 唔識得因應環境而改變………………….
Anyway, 今次上好好嘅一課

年初二番左大陸嫲嫲度.只係同妹妹一齊番
見到一個自己完全冇預期會見嘅人, 當我落車時爸爸向我地提及將會有一個咁嘅人出現, 仲叫我唔好同媽講………..o個一刻, 雖然未見到人, 但心裡面真係好難過………..好想好想喊, 真係好想…………有即刻番hk 搵媽咪嘅衝動
只係覺得替媽咪難過, 亦替自己難過………我嘅角色似乎只能依照爸爸所吩咐去做
我最愛嘅係媽咪, 但我卻要向佢講大話
去到嫲嫲間新屋, 我冇心情去參觀新居……心裡面只係掛住媽咪, 我唔知道點做先係最好……………………….好無助~~~~

見到兩老, 精神都算係幾好
大伙人食左兩餐飯,大家有講有笑, 講下兒時趣事仲知道表姐5月就生BB 氣氛真係幾好…………..表面上好開心, 但我心裡面就好難過, 好想搵個人俾我攬住喊…………………..雖然大家嘅事我做女嘅其實唔係好關事
但得覺得自己情感上已經同媽咪連成一體…………..要難過, 不如就由我去代替佢去…………..佢已經難過左好一段日子
同兩個妹妹一齊番大陸, 大家多嘢講左, 感覺舒服左, 但我知道仲需要努力…..我要珍惜我家人!!!!!
家庭的新開始, 我是否預備好?

Sunday, February 06, 2005

難忘22!!

好耐都冇update 日記喇……….都係因為自己太忙

過去o個一個星期真係好難忘., 因為自己又老左一年喇!!!
時間真係過得好快, 已經係廿二歲人喇

三號o個日, 有成八十幾九十人同我玩遊戲過生日
因為啟蒙o個youth project o係屯門開波喇, 帶左workshop
有好多個有心同學仔o黎幫手, 真係感激!!
Workshop完左之後, 似乎同學們都有唔同嘅感受, 有同學好唔開心…
我相信當日每一個人都遇到唔如意嘅情況, 但現實盲係咁, 我地需要去學習去接受唔如意嘅一切……
做得唔好當然會好唔開心, 但呢個都係一個自己成長嘅好好機會

完左workshop大家坐埋一齊開e , 肥妹無啦啦捧左個蛋糕o黎, 同學仔就唱生日歌, 好感動呀………….我完全冇諗過會有人同我切蛋糕慶祝生日…..咁多年嘅生日都係冇人記得之餘仲放假..
而o個日因為要做嘢, 自己都係好在意自己生日,
到肥妹捧住個cake, o個一刻差d 就喊左出o黎喇

生日禮物都係意外收穫
所有都係物輕情義重
先係jenny 有深層意義, remind 我食嘢嘅橙味雪芳蛋糕
仲有mandy 深夜裡的補品柚子蜜
大山的二寶糖+生日卡
仲有cherie 嘅family counseling 書, 真係好知道我需要呀!!
好意外地----二妹同三妹都有送嘢俾我
三妹張生日卡寫左一d 佢對我嘅感覺, 睇完之後好感動, 冇諗過我咁討厭嘅一個家姐,佢都會咁appreciate 我
二妹送左個狗狗calendar 俾我……….心裡面好開心好開心
因為原來二妹都咁有我心……..一直對住佢自己都咁defensive , o個一刻又有一d好複雜嘅思緒………..突然好想好想同佢地親近
t
晚上同比去左食飯, 有好多個唔明白
睇左戲,好想睇<超人特工隊>>, 因為比睇左, 最後睇左 <<喜馬拉亞星>>悶到瞓著左…..

記得大car icq祝福我, 來年比去年開心
開心, 應該都係我最希望會擁有嘅嘢…..

22歲, 大個女喇
我唔會俾自己成日浪費時間青春……22歲嘅將會更加努力

Wednesday, February 02, 2005

密

今日過得都ok 開心, 因為冇乜點浪費時間, schedule好緊密嘅一日
上完group之後就同佢地去左hall can 食lunch …
好自然咁又同hyper mint 一組, 感覺好開心, 聽左阿鳳同大car講聽hotline 嘅嘢
可惜今個sem 已經唔同佢地一組喇
之後上it ,講 use of supervision, 都算係悶, 不過都有`少少sharing
上完堂就同肥妹去左聽佢地上莊分享會…….其實我係完全唔關事, 坐o係度純粹攪事…….食左份多士, 嘔氣嘔左我成兩個鐘………勁辛苦
聽完上莊分享會就同肥妹過左舊校執物資for 3號youth service 同埋fsws table stand, 再攞番過新校整table stand , 手上有勁多紙皮, 兩個人就做左拾紙皮的美少女及拾紙皮的總裁
之後去左hall can 整, 整到六點幾就上hall 整
感激derek 從睡夢中起身接我地上去, 好感動呀!!!!!
整晚就同肥妹, 大敏, 仲有yr 1 bonnie 整整整
整到十點幾就閃…..天氣好凍, 仲要落雨, 又好暈…….等馬鐵時有一刻差d 就跌低…..
好彩及時車到, 有得坐就冇事lu
番到屋企, 二妹番左o黎, 感覺好奇怪……..話左唔理就唔理
希望明天都會係充實嘅一天啦

沿途紅燈再紅 ‧無人可擋我路 Underneath the Surface