沿途紅燈再紅 ‧無人可擋我路 *Underneath the Surface*: May 2005

這一個晚上

失落的一個晚上
孤單的一個晚上
不安的一個晚上
零成果的一個晚上
落至失控的一個晚上

本以為是平靜而可以過得充實的一天
得了一個如此挫落的結局
何解???
唯一慶幸的是媽的身子沒大礙

新開始@hall life

26號上畫就搬左入hall
估唔到自己嘅效率真係可以咁快
搬晒d嘢入o黎之後仲要放好晒位置
當然，所有日用品都冇，settle 好之後就番社署
plan 左見兩個仔，但最後只見到兩個
收工之後仲要去左做個師奶，去左惠康買廁紙、洗頭水同沖涼液，由觀塘捧番bu
hall life 嘅一day ，已經發,生左好多低能嘢
首先係買廁紙睇到價錢冇仔細留意牌子，最後買貴左成10蚊，好蝕呀
又貪平買左支防蚊沐浴露，點知沖完涼`之後勁就蚊膏味，咁大個人都係第一次沖完涼係臭囉…..超唔開心，又唔想掉左支嘢咁浪費….睇o黎沖有排臭囉….嗚嗚
夜晚瞓覺時又唔知發咩瘟將個枕頭上下調轉左瞓，攪到成晚都瞓得勁差
仲要到天光先發現……..真係十萬個白痴
因為roommate 要6月初先move入o黎，toile mate又搬走左，成層又唔多人住summer，我而一番hall 就好似獨居老人咁，咩都一條人…
有d lonely 但又好似幾enjoy 一個人嘅生活
環境好靜，連個人都平靜d…..都幾好
今日cherie 就做左我第一個訪客
我諗我會花多d 心機去decorate 一下我間房，等朋友仔上o黎會覺得好fresh 好舒服咁….. 哈
期待大家到訪啊!!!

新開始@placement block

block mode 開始左喇
工作中渡過嘅一星期，做左唔係好多嘢，每日都好攰
見了幾個仔，見之前都幾怯，好怕自己handle 唔到佢地嘅resistance，做唔到一d 基本assessment …
結果---- 原來都係唔係咁難，好deep 嘅嘢當然就冇，不過由唔肯都越講越多，原來體會真係好特別…..雖然唔知道佢地係咪真講真話，亦唔知道佢地真正嘅世界會係點，不過,，佢地肯同我溝通我諗情況唔會係最差
預計到有好多嘢自己都唔識，好多嘢都要學，將來仲可能會遇到好多困難，成日都諗第日開組時會遇到嘅情況，成日都會覺得自己會過唔到… 好怕

發現而家嘅自己往往會俾將來嘅未知之事阻礙左，人活在過去同活在未來都係樣令自己辛苦………..明白左呢個道理，但可惜自己根本唔識去拋低呢d 阻礙自己嘅嘢
個組9號就開始喇…..真係好擔心自己唔掂
希望一切都順利....

找不到

今早到大坑東開會，formal 的staff meeting 原來是可以這麼消耗能量
放了實習番回BU一個人呆做，為明天pre-group interview準備準備
只是累的感覺
想不到，回家的路上，仍然要向supervisor 交待緊急事宜，不可以偷一偷乘馬鐵的時間歇一歇
回到家裡，累得立即便睡著
可是，還有很多很多工作靜候我
二話不說，換上so tee跑步去
跑，從體藝的年代起，已經很討厭，的確是很諷刺的
跑了不多……. 不過出了一身汗，今天積聚的疲勞都隨汗水揮發感覺良好
回到家做了cool down ，鬆弛了，又可再工作，真好
我覺得我會喜歡block mode

范瑋琪的新曲加精選，找了個多星期，只在旺角一間唱片店見過，再找恢也找不到
向來不會買唱片的我第一次有一鼓熱血買正版唱片，都是因為，除了sammi，遇到一位十分欣賞的美女歌手
可惜，天意作弄
願意付出金錢卻買不到，有挫敗的感覺
時耶命耶

明天的pre-group ，包包會加油
還有proposal

新開始的一星期

這個星期，會有不同的新開始
實習開始block mode，一個星期要實習，4 天，我認為對於我這個沒有太大willpower 的人，把自己調較至工作狀態是最好不過，有工作我便覺得自己存在

開始pre group interview﹕
我的小組要開始了，星期二是約見第一個仔的日子，心情很忐忑，有點像電影橋段中約見一個素未某面的相睇情人
心中有很多問號﹕他會放飛機嗎? 他會遲大到嗎? 他會很兇的嗎?他會不給我反應嗎?? 他會太好反應在玩嗎???他會認為我準備的無聊可笑嗎?
正如ic 所說，Pre group 是非常重要，要觀察的很多，要assess 的也很多，, 目的都是未雨綢繆……. 我做得到嗎? 我做得好嗎???

開始宿舍生活
27 號便會搬入宿舍
生活進入另一個模式，非常期待
期待自己的問題會因環境的轉變而離我而去
期待新生活會充實不虛渡
期待在新的環境我可以繼續追尋我喜愛的事，做真正的自己

開始重拾過去的生活模式
重拾一些自己生活不能失去的
開始再投入紫藤，會再上workshop ，去探索一些我想知的事，再探索自己

期待-----一切都變得更好更實在

這幾天

這幾天
開始工作了---終於開始了
工作的開始之時但功課還未結束，有點不知所措
這兩天打電話給不同的人士，感化主任，仔，大坑東同事…. 連IFSC 同事致電也是說鍾姑娘終於我的身份是『實習社工鍾姑娘』--- 鍾姑娘….確實是個十分剌耳的稱呼，確實覺得自己不太姑娘
打電話給仔，一切都似乎頗順利，太順利又使人擔心
一下星開始約見他們，每天也幻想可能出現的情況，想得多究竟會使自己心安還是心亂
還有很多很多未做…..

跟那人的關係沒有好轉
避開了好幾天，在這時間，我不知自己可以如何去理解
只知道自己的一絲一毫都受牽動著
跟這人的互動，直接間接影響我處事的functioning，正當我把生活弄得一團糟之時，這人倒卻生活得比我安定，反而變本加厲起來
或許這就是生命影響生命
縱然仍然選擇了以自己為發洩對象，我倒覺得自己進步了，可喜
老師說這人其實是小朋友，我要以behavioral model 處理
有時只想說﹕我不想處理，因為我自己也不懂得自處

ic 說: self care 是care 別人的第一步
十分認同，但暫時做不到
又再一次令我對自己懷疑
但cherie 說﹕要欣賞自己,不要self-blaming
是的，我需要
strength ----------暫時找尋中
這幾天----我在尋找空間，在尋找工作，在找自己，在尋找過去與將來

逃離現場

為了避開那種傷感

選擇逃離現場

越是逃離現場

越是記起現場的傷感

現場------存在我心，並不可逃離

先甜後苦

原本今日係幾開心嘅一day
日頭番左學校做o report，做得都算得心應手
夜晚去左買入hall d嘢，都買到自己想買嘅嘢，好開心

點知晚上同媽鬧交
我真係好唔想同佢鬧交
只不過，佢講說話歪曲事實之餘仲要踐踏人地，我覺得好hurt
好耐都冇試過用d 咁強硬嘅語氣同佢講嘢
我唔係期望佢會從我角度去感受，因為佢從來都唔覺得自己需要咁做

同佢鬧我好唔開心，我又好激動，好exhausted，走左出去
一條人一路行一路喊，俾街d人望住晒，覺得好shameful
兩點幾再番到屋企，好攰但都係瞓唔著，原本plan 左要做嘅嘢又做唔到，好唔開心
好想快d搬入hall，我唔係想離棄我家人
但係我好需要一間平靜嘅空間，唔好俾咁多刺激我，等我可以好好面對我嘅實習

Stormy

今日知道個組有已經有十幾個仔…..唔洗再recruit
真正要開始個組喇, 由pre-group開始…….
此時此刻, 身份真係一個實習社工, 我要以社工身份去做
真係擔心, 因為好多嘢都未clarify 到, 亦對自己同埋對自己諗嘅嘢好冇信心
壓力又大左….. 只係知道好混亂, 混亂到個腦好似停左咁

開始掌握唔到自己, 掌握唔到生活
無論係學習上, 生活上, 都覺得自己一塌糊塗
好冇方向好冇動機, 亦都好易被情緒影響
自己亦因為自己咁易depressed 而又更加唔開心, 更加唔穩定
我不斷向身邊嘅人seek help , 令我更加察覺到自己冇用
多謝cherie appreciate 我seek help, 但其實我越來越覺得seek help 為人增加好多麻煩, 尤其是對住我呢個咁唔識正面嘅人, 被我seek help 嘅人一定會feel 到好demanding,
我好想好想自己可以面對, 可以處理自己, 尤其是係emotion, 我真係唔想麻煩到人, 唔想自己咁冇用
我諗左好多方法, 但每次emotion 一到, 好似所有方法都唔係方法
我有前進, 但同時都有後退
有時真係唔知自己係個咩人, 唔知自己想要乜, 唔知自己需要咩
我連自己都唔可以處理, 唔可以好好掌握自己, 我何來能力去同人地fight for 尊嚴………….,可能我根本冇資格做social worker

記得見vivine 時佢同我講過, 係self-image問題
開始覺得佢講得啱

我self image 係乜, 應該點建立
呢段時間好痛苦, 我想正正常常去面對, 但又做唔到
究竟點呀!!!

我真係就o黎癲喇…好辛苦
點解我會咁o架!!!

你講得啱........... 係我自己造成
被嫌疑都係應該, 我deserve 有咁嘅後果

BABY 雀

Baby 雀已經離開了
到了另一個國度

回家聽不到她吱吱喳喳的叫聲, 有點不慣, 也捨不得的她可愛
不知她現在身處哪方, 不知她生活過得如何
祝福baby 雀快樂

Exam is over and another battle start

考完試，law --- 都係咁上下
之後約左比，spend 左一個下午……考試後嘅放鬆
明天又要全力進攻placement
開始另一段旅程
撐得住撐得住

計劃—今日成功左一半, 下半埸失敗左
又係夜晚….

明天要半天都不可失敗

火滅了

考完group , 有大半題都唔識答，好早就做完坐左o係度，都foresee 得到自己做得好差
唔識做其實有d 唔開心，不過諗下諗下，自己擺咁少effort ，又可以要求自己做得幾好呢….

明天嘅law, 應該都會係重覆今日嘅group
火, 真係熄左 ????/
誰人為我加柴???

夜晚約左wasabi….
佢捉住我隻手pray
o個一刻好感動, 流淚了
感動唔係因為感覺到聖靈
而係做左咁多年朋友, 第一次佢捉住我隻手時感覺到好warm , 佢講嘅說話令我諗起好多過去嘅事, 同佢之間唔開心嘅已經過左, 但到今日我地仍然係好support 大家嘅好朋友
過去同佢兩條人可以o係條街度高聲唱張立基嘅electric girl , 可以扮女傭講講菲律賓話, 可以扮草猛跳舞, 可以扮白韻琴叫人離婚……一齊帶住肥女妹踏單車入大尾督, 然後一齊雙腿痛左兩日冇得郁….一切一切都係好開心嘅回憶

到左今日我地兩個都唔同左,
以前我照顧佢, 而家佢照顧我
佢成熟左, 喜樂左
而我就(according to wasabi)比以前沉默左, 冇以前咁癲狂
佢今日有宗教作為寄託, 又可以搵到一個俾到protective 感覺嘅男朋友, 我好替佢開心, 縱然我知道佢仲有好多嘢好擔心要去面對, 而我又幫唔到佢, 但我真係祝福佢會有人日可以以佢嘅生命去影響其他人嘅生命, 生活過得開心就好

而我, 可能冇宗教信仰, 成日都似好空虛咁
不過, 我唔會因為怕空虛怕軟弱而去番教會, 去信仰
始終, 我離開得宗教, 我唔會咁易再入番去
況且, 我係一個短視嘅人, 睇到個社會現實係咁, 好難去抽離自己去體會非常遙遠嘅大愛
我嘅路我要自己走, 縱然中間不斷跌低, 跌到損手爛腳
但我都會相信自己眼所見, 耳所聽, 心裡所感受的
如果天堂嘅位置只會根據一個人嘅身份而給予, 而唔係論一個人一生嘅功過…… 咁天堂可能唔係reserve 俾我
我呢d 魔鬼都係要落地獄

原來我缺乏安全感，
原來我也缺乏自我定位
請容許我做一下子需要被保護的動物

終於．．

今日再番社署

終於出左promotion 喇

希望快d有回音

冇心機考試wor……………….oh　ＧＯＤ

ＢＡＢＹ　雀今日精神SEEMS 不錯~~~~~~~~~~~ GOOD !!

呢期因為身體嘅問題, 引發到心情都唔好

情緒一到好自然就….

尤其是留o係屋企嘅時間, 個人就會特別容易出事

我知道後果係可以好嚴重……. 但自己又好似喪失左自主性咁

今日又係咁………..都唔係好想自己繼續係咁…

但又做唔到自己嘅監察人…….

不斷去俾藉口自己delay…… 再一delay, 即係從來都冇實行過

覺得真係好冇用
又一次俾自己打低.............really a shame

Baby 雀經歷死亡

今日baby 雀差d 就上黃泉路, 因為細細妹餵佢飲好多水, 仲整到baby 雀成身濕, 妹仲以為冇嘢, baby 雀差d 就凍死

好彩媽醒目發覺有唔妥

媽抱住baby 雀時, 已經見到佢濕晒, 仲要反眼不停咁震, 一副垂死嘅樣

我即刻就攞左個風筒幫佢吹身, 開初佢都冇乜反應, 我仲以為佢死左

點知吹下吹下d 毛開始乾, 佢又郁多左…. 但都怕佢會捱唔到今晚

跟住圍左個毛巾窩俾佢瞓…….. 夜晚嘅時候仲聽到佢係度吱吱咁叫

出去睇佢時,佢仲張大個口要食嘢….

其實我好怕近距離接觸佢, 不過, 為左唔想佢死. 我就唯有用牙簽餵d幾粒飯俾佢

佢食左唔少, 又好似好有力咁……睇到佢咁生猛, 我個心都安落晒

生命就係咁奇妙

在死亡的邊緣, 絕望之際

奇蹟就會因少少嘅堅持而發生

希望baby 雀在死亡過後, 生得更精彩

請了假仍實習

今日考左第一科…….

其實都估到會出得咁出, catherine 真係好, 知道我地出field 辛苦多嘢做

出得闊d俾我地, 等我地唔洗死得咁慘

之後同同學去左食lunch , 講人真係講極都咁開心…….\

之後又番左社署諗住今日出到promotion……. 點知 =_=

明天又番過去, 明明呢個week 係請左假, 點知仲要番得多過平時, 好似出左block mode 咁, 不過都好, 反正自己冇心機溫書, 多d 番去會似番工咁, 都好似幾好……….

今日番到去,老細都係o係大坑東……. Send 晒d 嘢俾佢就一直等

一路等就覺得自己好浪費時間, 攞番R &R 出o黎睇….. 呢樣嘢連拉爸都冇….

即係一定要o係centre 睇…….

睇左部份, 希望對了解個setting 有用

一路睇又好自然諗到自己個組, 都仲係冇信心, 唔知可以點帶

完左exam ,要快快做埋o report同proposal

我真係唔知道可以點….. 呢班年青人真係攪,到我個頭就爆

實習真係為我帶o黎好多anxiety , 唔覺唔覺入滲我生活

成日都諗住, 成日都擔心….. 身體又跟住出問題, 真係好乞人憎, 完全唔under 自己control , 最令我唔開心嘅係一d 好基本人人都會做人人都做到嘅嘢, 我竟然係做唔到……. Handicapped 左, 真係好忟……人地又幫唔到…總之就係無助

你就好喇, 考完試同同學去東坪洲, 我都好想去郊外relax , 去想呼吸大自然生氣, 好想搵日唔望電腦, 望藍天白雲, 望花花草草

可惜…………..我不在你郊遊之列………我嘅位置-----可見

有失望有唔開心, 但我可以點,

我只可以對住電腦wallpaper o個片藍天

考試了

又考試….. yr 2 嘅生活又就快完結
因為開始左field work, 今次考試明顯比以前唔在乎
明天考嘅case, 我今日傍晚先開始溫, 日頭嘅時間番左社署,準備promotion d 嘢, 硬係有d阻滯, 明天又要番多去一次
番到屋企又係做同placement 有關嘅嘢, 做完之後竟然瞓著左
之後衝左番bu 同cherie 一齊溫書… cement 同mandy 都係度…
同cherie 講左好多唔開心嘅嘢, 真係好氣頂呀……激死我, 又唔可以隨便講, 屈住屈住咁……真係嬲爆喇

呢幾日覺得突然自己positive左……
因為身邊好多人都好關心自己 even 我係一個唔識關心身邊人嘅人, 同學朋友仔都好主動關心我, 令到我好感動

,經常收到嘅果林, 大car 的icq支持, 仲有Cherie 每日關心一線
前兩日卓如加sonie icq message, 今日收到大山, jenny 電話
遠在LA 嘅livia 留言, wasabi message 加電話
今日晚上仲同catherine 傾左好一陣電話, 又同佢講左好多氣頂嘢……..佢教左我點處理…….. 其實真係有難度, 因為我始終都係好火, calm down 係一種高深學問
anyway, 真係開心, 多謝你地支持我
我知道我係落後左, 不過我會努力catch up 番……
我秘密計劃嘅第一日完全係一個失敗, 勁唔開心
不過, 我明天會好好follow 實行
向目標推進!!!

新成員

家裡多了一個新成員
是一隻可愛的baby 雀, 她不懂吃, 不懂飛
不過--------------------- 其實我很怕雀鳥….
所以包包不敢靠近這可愛的小傢伙

AT SCHOOL

I am now at school doing all the placement stuffs
Boring, lonely, confused, stressful, directionless …………
I know I have to overcome all these

Whenever I feel really helpless, I think of you …….
However, I understand that you are just my fantasy, a dream , distant and unreachable

實習之樂

呢個星期係第四個星期實習
琴日番去因有個`同事走, 所以同佢去左食farewell 飯, 番九龍塘食
下晝supervision , 好快又過左一日, 出社署就係咁,office 生活, 定時收工, 有時真係唔係好知自己做緊乜

今日出field , 日頭o係centre 睇左成日資料, for o report, for group
雖然都唔係好心散, 但真係坐到好攰, 睇到好攰
夜晚sit 左個籃球組, 仲客串打左場3 on 3…..d 助教仲幾有型tim 啊, 呵呵呵>. <
佢地仲問我以前係咪學過打波tim 啊,..... 大家估我點答 ^0^

之後又同上次game day 班仔打波
出左一身臭汗, 好攰, 但又好refreshed 咁, 真係要做下運動舒展一下身心先得下星期唔知仲有冇機會打波呢
班仔星期六會做service , 好想join 佢地
不過又要o report, 又要考試, 都係冇得去

今日另一樣好開心嘅事就係收到紫藤電話
elaine問我做咩好似失蹤左咁, 我就好唔好意思咁同佢講左我情況
好開心, 遲d 可以再落區…… 我會再有番動力….. 紫藤真係我嘅電插座, 令我充滿能量
好期待

雖然office 嘅工作style 真係唔係好啱我,而開組嘅壓力又係令我處於瘋癲狀態, 但呢個placement 都有令我好開心嘅地方,, 同d 仔一齊打波, 同佢地笑下, 真係好開心, 雖然我知道d 仔未必咁快就完全同我friend , 但同佢地一齊嘅時間自己真係好relax ……….. 開始感受到出呢個field 一d 令人欣慰嘅地方…..
我希望自己會多加努力, 到左第日自己由零做起時都可以做得好, 令d 仔開心地學習就好
EQ------------ 我會努力克服
cherie : emotion 出左就好, 過完orientation 真係接case 時你一定會做得好好, 我咁難攪都俾你攪得掂, 你一定得o架………你俾d 信心自己, 你一定會做得好, 你要加努力, 我會支持你, 肉體心靈上都支持你……. >3<,

慌亂

唔知點講

總之, 呢個moment 好緊張, 好亂

亂到個人有時會停頓左……點算!!!

九萬幾樣嘢, 都唔知道做咩先好…….

樣樣都重要,樣樣都take time, 但人一個命一條, 點分身點分心

d 情緒問題又出現都冇時間去處理

身體都出現唔同signal, 我知道warn 緊我, 不過, 我可以做D 咩呢!!!!

給你---- 一個遙遠的你

你回到家裡, 我百感交雜
一起的晚飯, 我覺得不好受
從來我都不喜歡沒有交流的對話, 可惜, 多年來這正正是我們之間的相處
你把我們的事全都說錯了, 你問了一些極沒有意思的問題我感覺到你並不真正關心我們的事
我想問, 究竟你關心的是甚麼
夜裡, 聽到你在跟電話另一邊的對話, 悄悄而溫柔,---- 我的心很痛, 其實我不是第一次聽到你這樣的對話, 我早己習慣, 由以前的憤恨一到現在只有心痛
我不想干涉你的私生活, 但你可否也也為我們的生活而著想, 你對那邊廂溫柔問候時, 可否也問候這邊廂一直對你不離不棄的一個人,
雖說世上沒有絕對公平, 但你可否對這個她, 這邊的我們公平一點
我們不是你的最後安全網,你的避難所……..請不要在你有需要回來, 沒需要時揮袖而去
我不要回復以前的一切, 往日是我痛苦的根源, 我不要
我只想你放手, 讓我們好好的過新的生活
我希望我們可以定期的見面問好, 但請不要再在深夜裡喚醒我們去為你打開家門……..既然你可以接受新的她進入你的生命, 建立新的感情, 何不也跟她建立新的家庭……… 這個家庭不再屬於你, 屬於你的只有你對這邊的一些責任
你不需要向我負責, 是我要回報你多年來的養育, 這是鐵一般的事實
你要負責的, 是一個為你, 為家庭放棄了半生青春, 半生機會的她, 她的負出也是鐵一般的, 情感上你已經辜負了她, 而你永遠也沒有能力去作出報償, 你對她的傷害, 從來只有她一個人面對, 為自己療傷
請你不要再為她增加無形的壓力, 請你使她在生活上得到安全感, 我相信你有能力, 而也是你必須要做的
至於我, 我對你沒有要求, 生活上情感上, 過去的日子不需要,將來也不需要
我會好好擔當我的角色, 甚至擔當你的角色
我知道, 我們會活得更好:
,

我不懂形容對你的感情,
我不恨你但也不愛你
你並不陌生, 但也不熟悉親近
你存在於我生活中, 但很遙遠
就讓這距離一直保持, 這是我們之間的平衡點

長毛的話

人必須要經過大劫才有大智，現在的智慧是假的，有限的生活經驗。其實，一個人在歷史的巨輪中是十分渺小的，人之所以寶貴是不斷克服困難，人的「風骨」是要存在。若果我決定參選便應全力以赴，在競選之後亦是一樣全力以赴不應變質，根據自己的信念做人。

長毛講嘅說話
令我諗通左

我其實係一個自私, 自大, 缺乏恆心, 冇耐性, 易放棄, 唔識得體諒人地, 唔識圓融處世, 臭脾氣, 懶惰, 怨天尤人, 不反省自己,固執倔強.............. 卑微渺小到極點嘅人 -------我表裡極不一

我相信每個人都會有佢嘅價值, 但自己又好似好inconsistent, 因我都仲未搵到自己價值

WHAT A HOLY SHIT I AM !!!

期待

wow
琴日收到盈盈電話同hall嘅e-mail , 我個application 得左喇
下個月26號就可以move入去
不過, o個日係星期四, 要出field , 咁可能要晚上先得喇
盈盈仲request 緊同我一間房, 實在太好喇, 可以同同學仔一間房
而家起, 仲要諗下有咩要張羅搬入去, 有d煩, 因為始終placement 纏身
我諗咁忙都係要hea 搬, basic 嘢搬晒入去之後就算
好期待新生活的開始

期待

wow
琴日收到盈盈電話同hall嘅e-mail , 我個application 得左喇
下個月26號就可以move入去
不過, o個日係星期四, 要出field , 咁可能要晚上先得喇
盈盈仲request 緊同我一間房, 實在太好喇, 可以同同學仔一間房
而家起, 仲要諗下有咩要張羅搬入去, 有d煩, 因為始終placement 纏身
我諗咁忙都係要hea 搬, basic 嘢搬晒入去之後就算
好期待新生活的開始

沿途紅燈再紅 ‧無人可擋我路 *Underneath the Surface*

Tuesday, May 31, 2005

這一個晚上

Saturday, May 28, 2005

新開始@hall life

新開始@placement block

Monday, May 23, 2005

找不到

Sunday, May 22, 2005

新開始的一星期

Friday, May 20, 2005

這幾天

Tuesday, May 17, 2005

逃離現場

Monday, May 16, 2005

先甜後苦

Sunday, May 15, 2005

Stormy

Saturday, May 14, 2005

BABY 雀

Exam is over and another battle start

Friday, May 13, 2005

火滅了

Wednesday, May 11, 2005

終於．．

Baby 雀經歷死亡

Tuesday, May 10, 2005

請了假仍實習

考試了

Monday, May 09, 2005

新成員

Saturday, May 07, 2005

AT SCHOOL

Friday, May 06, 2005

實習之樂

Tuesday, May 03, 2005

慌亂

給你---- 一個遙遠的你

Monday, May 02, 2005

長毛的話

Sunday, May 01, 2005

期待

期待

About Me

Links

Previous Posts

Archives

沿途紅燈再紅 ‧無人可擋我路 Underneath the Surface