沿途紅燈再紅 ‧無人可擋我路 *Underneath the Surface*: April 2005

渴望解脫

身在清晰世界
心在迷失國度
想飛出自困籠牢
想飄浮藍天雲霧
化作一片雲, 隨風
聚合, 消散, ,聚合, 再消散--- 循環不息
世間有我, 但也無我
沒有感情包袱
沒有思想枷鎖………..
不用愛人, 也不用愛己
只管靜看世界運行
是安穩, 是閒息…….
是冷寞, 是殘酷------------- 誰管?????????????
反正己解脫

傷痕累累

星期六同d 仔玩game 時撞親膝頭, 著裙時發現瘀左一pat , 好醜怪…. , =___=

晚上撞親右手手指尾~~~

好痛…….. >. <

影響工作

仲要拉親小腿……..

一個人黑起上入ｏ黎真係可以咩都唔順心

唉　　＝　＝

poor bread bread !!!

性小組之後

我的性小組, 最終都係胎死腹中

emily 其實好支持我去開

不過, 我地唔可以唔理上頭……始終佢係我地第一個客仔
要做 EQ 組, 我自己都冇EQ,點教人???

要做大路嘢, 但又要以唔大路嘅手法去做, 煩死我喇, 諗到頭到爆, 有冇高人過兩招???

對於我呢個冇乜創意嘅人o黎講, 都真係幾困難

今日individual supervision 時同emily 講左好多自己嘅想法同困惑

原來emily 真係幾like 用theory , 不過其實都唔係咁差, 我又幾鍾意, 好fruitful 呀, 同emily 傾左幾耐……都學到好多嘢, 又同佢講左好多問題….

夜晚去左sowk inaug, 本來唔諗住去, 因為未做功課

最後因為個家長組而去左,(雖然最後冇傾), 今晚可以見到親愛嘅肥妹 , 仲有下莊

同佢地白白痴痴咁又笑又叫, 好relax, 係一個星期裡面最開心愉快嘅moment

下莊要努力呀, 第一屆做左唔冠嘢, 有好多嘢要靠大家去努力o架

考完試要極快進入狀態…..加油

雖然placement開始起步,D 嘢要衝住去,已經開始FEEL 到壓力, 不過今日真係幾開心

我越來越喜歡見到同學 & 朋友, 你地係我精神支柱

打完日記

要去死番份功課

包包加油

點解一到PLACEMENT , 所有PAPER 考試都變得唔重要???

我完全冇心去理會

勁HEA 的PAPER, 冇恐懼感的考試

心裡面就只有開組同開組

PROMOTION , PROPOSAL , SESSION PLAN, O REPORT

PAPER 的位置在哪裡?

今個SEM 的GPA 凍過水

性的小組

呢兩日個人都好攰好攰
今日終於知道左原因…….救命呀, 而家要搏殺o架!!!

今日番field, 又有新進展, probation office , parent group reject左, 又係嘅, 始終係placement student , 唔係咁易放心去攪parent….. 知道左之後有`少少灰

係咪一人一個半youth 組都好, 我真係好想做仔嘅sex education
有時諗自己好冇stand , worker 叫我唔好做就唔做..
我知道我係女仔始終唔係唔係好方便, 但等唔等於完全唔洗做呢
冇錯我係個女仔, 但我唔係普通女仔, 普通女worker可能會有困難
但我係包姐喎,冇嘢會難到我, 尤其是係SEX 嘅嘢, SEX 係我最喜歡嘅課題
我唔可以人地話唔得就唔得………. 我都未做就話我唔得, 有冇攪錯!!!!!!
唔得 !!!! 我要bargain ,

我希望ic 會俾我試, 以sex 入手, 做gender education 同responsibility cultivation
一提起有sex 嘅嘢, 又燒起一道火tim, 嘻嘻!!!!! (p.s: not 慾火, 唔好諗埋一邊 ^0^)

5月1 日姐姐大遊行, 2:45 維園, 有興趣記住o黎呀, 為姐姐仔的工作尊嚴而行
實在太好, 可以見到佢地….. miss them so much!!
我仍然係紫藤一仔份子呀!!!!

我要學識收歛...... 再係咁落去就唔掂!!!!

唔要肥

呢期成日坐o係電腦前面.......冇乜點郁過
有入冇出, 攪到賤肉橫生…..肥左呀, 嗚嗚 >.<
要做番運動先得喇,

我唔要做肥包

Dysfunction

呢幾日心情又好激動又麻木, 開始覺得身邊嘅事都變得不可愛

或者我係一個急性子, 有d 嘢我想儘快處理, 快來快去, 唔洗諗咁多

琴日朝原本約左catherine , 但我冇去到, 一o黎自己真係好攰, 二o黎唔想見人, 包括我敬重嘅老師….

打左電話俾catherine, 又喊到收唔到聲…… 係一d 好憤怒加無奈嘅眼淚, 我唔知道自己點解會咁

我好容易喊, 但其實我唔想自己喊, 喊係需要好多energy , 喊其實好辛苦, 開始發展到好容易就喊, 但喊完情緒都係o係度…… 對自己, 都開始麻木

同catherine 傾左好一陣, 佢教我即係記低, 到我再一次寫出自己感受時, 我先發現我原來已經好耐冇做呢類心靈功課………. 寫左之後部份情緒得到舒緩, 不過, 始終有d 嘢唔可以靠我單方面去處理….

我承認o係呢d 位我唔夠成熟, 我唔可以好理性好冷靜, 有d 人會認為time can cure , 但我一定唔係 to me :time can kill

我知道我要為別人諗, 但同時我都好需要別人為我諗下

我唔能夠一直只從一d 唔係自己嘅諗嘢模式去出發, 我都好想照顧一下自己

我要求嘅只係一d 好小嘅配合, 點解身邊嘅人都要將個責任同矛頭指向我???

我都有受傷……… 我都好期望可以做到自己受傷時能夠為別人療傷, 但我唔係大長今, 我真係冇呢種能力

日子越來越忙, 心靈就會越來越空虛,

繁忙, 似是有意義; 其實都可以忙得好冇意義

每一日都要為功課同實習而折騰, 呢d可以成為我嘅動力, 同時亦有可能令我越加挫敗………… 我希望自己唔會越來越走近墳墓

我需要自我定位, 然後搵出我嘅方式, 我嘅方向

我唔想自己再咁低落, 我想自己可以function 得好d

或者我要學習冷寞

我唔想俾人睇死

不幸

點解而家先o黎腰酸骨痛咁厲害o架
玩咩, 已經要由頭再做上個week 個log, 而家仲要我咁痛
人都癲, 激死我呀 >.<

我是充滿毛病的人

朋友

今日只係番去上pe 堂, 因為考「吊臘鴨」(fixed-arm hang), 竟然冇數到時間, 做多左成倍時間, 真係好白癡, 一定變大隻妹喇, 唔要唔要…….我唔要粗壯的手臂

同cherie 傾左關於出field 嘅嘢,

換轉係我, 我諗我都會係好唔開心, 好唔想放棄自己一d 既有嘅原則; 我唔係o係佢個位, 我知道我感受唔到佢所感受, 我都我知道我講o個d 嘢廢廢地, 其實都只係想佢唔好咁擔心, 我見到佢咁唔開心, 我自己都唔安落

而我嘅角色唔係俾到最大support 佢……我期望只少可以令佢feel comfortable 多d……..但經過今日, 我知道自己做唔到

我希望佢會過到…….

約左果林, 同佢去左o個間酒店式服務, 茶餐廳價錢嘅小餐廳食嘢, 果林都話好味

同果林傾計, 由講住hall , 唔知點解講到最低工資…….原來果林同自己睇法好唔同

同佢越傾越激動…… 對唔住, 我太過impulsive, self control 太低

我o個d 想說服人嘅性格又出左o黎, 我咁激動, 我知道攪到個氣氛好僵, sorry

今次令我知道自己要好好反省, 要學識點樣去處理同自己好唔同嘅聲音

果林話, 可能有一日會係電視見到我……. 哈哈, 如果有一日自己做到上傳媒,在我角度, 係一件值得我去開心嘅事(到時可能upset 你!!)

我都仲係有信念….. 我希望自己會向住我信念走,走得幾多得幾多

同果林去左海傍, 今次飲左支sub zero , 好似飲汽水咁, 當然掛住black label , 不過, 我唔會再衰, 我唔會有再俾機會肚腩先生將d 責任推晒落我度……

朋友角色唔同左, 令我有d 唔習慣, 而家同朋友相處, 仲要諗多另一個唔識嘅人嘅感受………. 我諗我要接納,

開始明白到o個時andy 的無奈, 對唔住ANDY , 雖然遲左好多, 希望你會接受 , 我會珍惜你 !!!!

只係幾個% , 但唔知點解都有少少頭暈, 面紅紅咁上左巴士……有D 擔心自己會瞓過龍….好彩, 意志令自己冇瞓覺, YEAH YEAH ^0^

晚上嘅時間…..又係諗嘢嘅時間, 又係情感宣洩嘅時間

有d 失落, 點解分左手一定朋友都做唔成

原來佢所講嘅關心要視乎大家嘅身份而定

脫離了便抽離……….一個係咁, 兩個都係咁

當我明白時, 我就會知道自己係幾咁天真,

一切都好明白,呢一刻, 我選擇放棄

一段愛情嘅結束, 連帶失去埋一份可以好neutral 嘅朋友之情, 可惜, 但亦可笑

這就是男人!!!!!

明天番去社署同佢地一齊帶活動, 又會見到d 仔……

包包要加油

在工作中找快樂, 從忙碌中找自己!!!!

2 nd week placement

第二個week placement
琴日去左九龍城probation office 做orientation
officer-in-charge教左我地好多嘢, 覺得佢好勁…不過真係唔係好認同佢對client 嘅睇法..
下晝就做paper work

今日一早就同成班同學去左竹園遊協做orientation , 可以o係field day見到同學好開心, 聽左好多關於I team 嘅嘢, 有d悶, 再去睇佢地個csss, 冇乜嘢睇, 但feel 到佢地d 同事做得好開心
下晝番去做supervision , 同emily 講左一d 自己唔係咁開心嘅嘢, 我都知道有d嘢要我自己去處理….亦好多謝emily support 我想法, 鼓勵我去試
終於有嘢做喇……同tommy 一齊part先
open recruitment …. 而家開始要好好加油……
希望會有更多好消息

夜晚sit 組…….俾d 仔串左兩次…….但唔係好識反應,……
shall we talk 時, 同佢地一齊睇學警雄心, 我完全唔知道有套咁嘅劇…..又俾佢地串
原來自己真係咁outdated
佢地都幾活潑, 同佢地其中一d都傾到計…….發現我真係要開始刨雜誌
走嘅時候好攰, 好多嘢o係個腦度…….
因為自己一d 唔係咁成熟嘅想法, 又唔係好開心
感覺到好寂寞咁…….
幸好有果林………… 那時你聽左我講, 我諗係最重要
有好多嘢, 我要自己去overcome, 不論係處事上或想法上都要
或者我最好就係唔好再煩佢啦
始終佢冇責任……

發現自己一定要為自己set 一d relax 時間, 我先可以撐落去
一個人看戲, 應該都會係一個唔錯嘅做法
明晚又約左果林, 再續前緣

果林: I promise, tomorrow no more red/black label, I will control myself , don’t worry

澄清

一個勞騷, 竟然令咁多同學誤會
估唔到大家相繼同我講左咁多嘢…..
我就係咁直, 有時個一刻諗到乜就寫乜, 冇諗過大家睇左之後嘅feeling 同反應
其實我講呢番說話真係只係個人感覺, 發發勞騷,
我絕對唔係想藉此去指責大家, 要大家好關心我
其實真係冇必要向我道歉, 因為你地唔係為左我而生存, 你地並沒有同我分憂嘅責任……….
有時日子過得唔開心, 好多時候可能都係自己選擇…..真正要為自己唔開心負責嘅人其實係我自己
我上堂時我都講過, 我唔愛自己, 但就好demand人地去關心自己, 其實我好自私…………我再問問自己, 我又何曾主動去關心你地呢??
所以冇必要向我道歉

我所講o個個人的確存在o係我生活圈子, 對佢嘅感覺咁負面, 係因為我覺得佢利用所謂對我嘅關心, 不斷侵佔我嘅空間,…..我同d咩朋友熟d 佢都會干涉,
但平日又唔會有特別有兩句咁, 只係顧自己,……….唔識得or even 唔關心我係大家嘅自由, 冇對與錯之分……..
但呢個人,口裡面就掛住關心我嘅藉口, 但violate 到我生活..呢樣係令我最嬲的

其實呢個人係邊個唔係最重要啦
因為我講過我會自己愛自己
我唔會再各別人索求d 乜
I will be strong
大家唔洗再擔心!!!!!

嘔完未
我就o黎嘔死 !!!!
會唔會我係第一個嘔死嘅人?
希望快d 可以住hall

掛念一個人!!!

在海邊

呢幾日夜晚行海邊嘅習慣……..
夜晚嘅海, 黑色一片, 平靜但有一種好恐怖嘅感覺
一條人沿住個海行, 不斷咁向前行, 冇目的地, 行到攰就坐低
一路行時個腦諗起好多嘢
諗過去, 諗而家…………..
過左去嘅嘢諗得太多好似都係咁
諗而家嘅自己又煩多d…..
在海邊真係好舒服……..

今日去左交hall application
勞煩晒盈盈做左無間道…. Thx
一言難盡, 百般感受

To sonie

睇到sonie 日記~~~有d 嘢想同sonie講

雖然我地真係唔係好似之前咁成日都傾計, 但其實我知道你好關心我, 係o黎自我嘅直覺…….有時見到你對眼, 我就feel到其實你係想同我傾計, 同我談談近況….. 好多時候, 我都係特登逃避……係唔想用自己嘅唔開心去換取大家嘅關心……我察覺到.呢種人際本錢其實好低賤…..我唔想自己係一個咁嘅人

sonie 你係我心目中地位一直冇變……. 你雖然唔多出聲, 但你仍然係好關心我, 比起o個d 只係識用口講嘅人你好好多……o個d人令我好失望, 時時話可以同人分憂, 但其實就要求人地將d attention 放o係佢身上……我唔見得呢d人係識得真正關心人, 佢最關心嘅係自己……我開始唔鍾意佢, 對佢好失望

借題發揮tim >.<

講番今日
知道我做case 時你有為我喊, 我好感動……. 有d人喊, 係因為見到我, 諗番/睇到自己…………..而你係真正同我嘅feeling 同在, 去感受我所面對的…..
今日個therapy , 出於半自願嘅情況下出左去做………其實都唔係好投入到
不過, 硬係唔知自己會咁快就喊同埋喊得咁勁……我講左一d 好想講嘅嘢, 好困擾自己嘅諗法, 雖然喊得好勁, 但其實我唔係太upset……有好多嘢跟左我好耐, 都已經習慣左佢地嘅存在, 不過係我呢個喊包太易喊, 所以俾人睇到好似好中咁……其實我覺得個therapy 唔係太成功

希望我表現出嘅情緒對你嘅影響唔會好大….
你唔洗太擔心我, 我已經同自己講我要be strong, 自己企番起身
我唔可以再用自己嘅唔開心去換取人地關心……
我會先好好愛自己
“自己都不愛怎麼相愛怎麼可給愛人好處”------ 我會好好記住

在找到下一位愛人之前
我會成為自己嘅愛人…….

一定有機會一齊再傾計
looking forward!!!!
見你呢輪消瘦左, 你要好好注意身體, placement 係冇病嘅權利!!! Take care

To andy

好感動呀

你o係你日記叫我加油, 自從你轉左工之後,你近來咁少update 日記, 我都開始冇睇你個diary lu >.<

最近有d 唔係咁開心嘅事發生左……. 大概你都會估到
下次有機會再傾….
你就ｏ黎可以同呢份令你咁辛苦嘅工say goodbye 喇, 開唔開心先
期待有日可以睇你打拳…….至於有骨氣-----算啦, 你開心先係最重要, 不過第一杯甜品冇得走數, 你仲要加油呀

出placement 我都會加油o架喇 !!
感謝你仍記住我呢個小妹妹

學習.. 表演…..不合理

今日番左社署…….原來唔expect 我地出現,
發現自己真係太天真, 學到人地reject 你嘅手法……….明白到active listening 好重要…..唔係對住client o個種, 係對住成人o個種
tommy , 睇o黎我地以後日子都應該幾多嘢要好小心

未見過client, 未開組, 未寫proposal , 但開始感覺到實習帶o黎嘅壓力,
o黎自機構嘅文化, o黎自一d 人事………..有d frustrated , 好彩我個partner 係一個比較positive 嘅人, 某程度上幫我舒緩到我極易鑽牛角尖的性格
同學們, 出到我o個field 其實都唔係咁值得去羨慕,

番左學校上gestalt , 做demonstration , 但冇人做live case, 最後我出左去做………..其實我唔係太想disclose 自己, 不過…………..
都係catherine 了解我….
對於完成後的掌聲, 其實我好唔鍾意……..請不要為我鼓掌, 我唔係表演

去左交hall application , 真係好嬲
點解會有個咁唔fair 嘅policy ???
我覺得即使唔俾我apply , 但為左我認為啱嘅事, 我一定會表達, 因為我真係搵唔到合理嘅地方….

放左學陪cherie 去左買嘢俾佢男友仔, 佢身體好番d真係好
今朝見到cherie 一面倦容, 真係好擔心………..不過一個電話之後佢又開心晒, 我都開心晒…….
見到好朋友開心, 原來自己都可能一樣咁開心, 真好

放左學飛番屋企, 因為爸番o黎有d 嘢要攪……
今晚做唔到law paper, 因為太多word doc 要攪
死喇死喇

MY WAY

Thanks Catherine
Thanks Cherie
Thanks Goulam
Thanks Wai Wai
Thanks Small Car
Thanks Sonie
Thanks Maynbo

for
inspiring me ,
giving me new insights (esp. dearest Cherie),
accepting me,
supporting me,

I see my future,
I know the direction
I find my way
I will be strong and able to love
I will be a brand new me !!!

真正的我

感謝我兩位親愛的朋友
一個親愛的你, 得知我的事, 便義不容辭地提出陪伴我,
那一刻我的確需要有個人在旁, 謝謝你對我的敏感
另一個親愛的你肩負照顧我回家的責任, 昨夜的我的確是個非常大的負擔

昨夜, 半支red label 猶如水般喝下, 喝得爛醉
我只記得我尚清醒時發生的事, 只記得自己很辛苦, 亦給親愛的朋友駡了.. ?><
喝醉後的一切, 靠朋友轉述…….原來自己曾經做過那些事,
今天朋友致電問候時才知道------ 我說了很多話, 一些我不曾對別人說的想法
語氣也跟平時不一樣, 看到朋友的日記, 她用滴汗來形容
朋友說: 醉了的我是個小孩子,
我想那就是弗洛依德的unconscious 吧!!!!
希望;那些話只有一個人聽到….
因我不想失去….

又想放縱沉淪

為何要在趕功課的時間要我哭
我不是一個沒有感情的機器, 走到了這一步, 再也不是我控制了

為何情緒對自己的影響如此的大
為何我不能坦然
對著電腦卻寫不出內容是多可悲
我很累 ,很冷…………….. 再也按捺不住的感覺, 在心中翻滾,
倦了, 請讓我放縱, 沉淪, 迴避那空虛寂寞
我並不強, 真正的強者愛展示弱者姿態

初現曙光

第二日番去,今日有個就o黎調centre 嘅同事番左o黎

佢勁好, 俾唔同嘅嘢俾我地睇

睇左個叫R & R 嘅therapy approach ….不過好大本, 睇唔晒

好似幾thorough 咁喎, 係咪真係啱young offenders 呢??

下晝就好唔同喇

我地煩左個我地認為比較好人嘅worker, 攞左唔少料o黎睇

最重要嘅係睇左以前placement student 同埋d staff 做嘅group file 睇

嘩…交上社署嘅真係好簡單喎……簡單都我同tommy 都一致認為必肥之作

我地都係要交兩個version 嘅嘢o架喇….

下個星期有得sit 會, 又有得sit 組, 又有得去probation office 做orientation

一定比呢兩日充實

要快d ko law , 然後仲有learning contract , 仲有o report

加油!!!

我唔想再嘔

第一天實習

多謝我親愛的朋友琴晚為我做左個relaxation , 真係勁好手勢, 越o黎越愛你 >3<

始終都係緊張, 琴晚睡眠quality 勁差………..一晚醒左五次

最後5點醒左就瞓唔番, 有親愛的朋友o係網上陪我………

第一日番社署, Emily 同我地一齊見IC

見到ic 唔知點解有d緊張, 介紹自己時表現勁差

原來佢只係o黎左兩個月都幾NICE…….不過我地工作方面仲有待confirm, 希望唔會等好耐啦…..

lunch 同同事去左飲茶, 話題都係圍繞social work 嘅 , 留意到佢`地一d dynamic , 有點兒攪笑

諗住at least 會有d annual report 睇下, 點知冇, 睇左完全唔關事嘅指引…… 睇到差唔多瞓著 =_=

下晝同tommy o係度 “ghou” 菇, 因為都冇咩要做, 睇emily 俾我地嘅reference

好八掛咁聽下swo 講電話….er------------------------!!

今日仲做左supervision , Emily 先小人後君子, 講都明佢嘅角色同諗法, 我好like呢個style

同佢傾左好多, 佢仲同我講佢以前一d 經歷, 對阿sa 了解多左

第一日就o係冇咩事發生嘅情況下過左, 不過都observe 都一d 嘢, o report 都有d 嘢寫

`同tommy 都知道將來工作的模式, 大家都有相同感覺

好明顯我地坐埋o個條船都係….

我地需要互撐

最後, 都係多謝一個朋友, 在我唔知點算時幫左我好多!!!!!

有你真好!!!

不知如何說起

琴晚瞓左6個鐘, 比前兩日瞓多左兩個鐘, 但係唔知道點解今日超攰
上catherine 堂, 講Gestalt , 個人o黎講都幾buy, 因為counselor 唔directive, 同client 平等, 又講個人insight 頓悟………不過, 我知道好難做

呢排都`為左policy 煩惱, 都唔知點解明明佔嘅% 唔係最多, 但偏偏投放左好多精神落去……..自己份individual policy paper就………..有時真係唔係好理解自己
傾到今日, 係最後一次會, confirm 晒…..
番到恆安係11點, 但唔想番屋企, 一個人行左去海邊,
夜晚嘅海邊, 一個人都冇, 有d 恐怖
諗左好多嘢, 個人問題, 家庭, 事業, 朋友, 愛情………. 每一樣都好似有d無力
記得今日catherine 上堂時講左人有self-regulation mechanism, 仲有self-support 嘅嘢,
自己好想將自己嘅self-regulation train 得好d , 自己support 自己……….
雖然感覺上會係寂寞d, 不過, 依賴人地嘅感覺都唔係太好受

做完seminar 個rundown , 仲要做powerpoint for rehearsal ….
好攰, 但要撐住
正確o黎講, 明天就出field, 星期五present + 交paper , 心情有d沉重
想快d 住hall
多方面嘅壓力, 攪到個人有少少stressful
複雜思緒……

BE TOUGH!!

最近愛上聽范瑋琪嘅歌
為一首歌而感動

可不可不可以不勇敢可
曲：陳小霞詞：姚若龍編：
你用濃濃的鼻音說一點也沒事
反正又美又痛才是愛的本質
一個人旅行也許更有意思
和他真正結束才能重新開始
幾年貼心的日子換分手兩個字
你卻嚴格只准自己哭一下子
看著妳努力想微笑的樣子
我的心像大雨將至那麼潮濕

我們可不可以不勇敢
當傷太重心太酸無力承擔
就算現在女人很流行釋然
好像什麼困境都知道該怎麼辦

我們可不可以不勇敢
當愛太累夢太亂沒有答案
難道不能坦白的放生哭喊
要從心底拿走一個人很痛很難

困擾

好攰, 好亂
成日不由自主去左諗
唔想再諗

諗到人都癲
明明之前擺低左一點解而家又要棋孭番上身
平常心, 順天命而行

好歌

****啟程*****
每一天都有一些事情將會發生
每段路都有即將要來的旅程
每顆心都有值得期待的成分
每個人都有愛上另一個人的可能
想愛就不能害怕會有傷痕
沒有人完整卻有人能信任才找到永恆

想到達明天現在就要啟程
只有你能帶我走向未來的旅程
想到達明天現在就要啟程
你能讓我看見黑夜過去天開始明亮的過程

*******好寂寞******
我願用真心交換你偶爾分到你一點關心
就算你不能完全屬於我我也願意照顧自己
有時愛就是那麼奇妙怎麼也想不到
想不到我竟如此的為你執迷也想不到我只要一刻不見你就無法呼吸'

看窗外霓虹燈在閃耀情人在街道上擁抱
我的夜只能依靠不停想你才會有心跳

好寂寞每當想起你的時候
好像痛要將我吞沒卻不能對你說
好寂寞我會試著自己掙脫
就怕你會放不下我曾說過要讓你自由就該學著放手

******我就是這樣*********

精疲力竭攤在沙發上心情很煩口很干
沒有多餘力氣再對抗只好遠離這混亂太危險
焦慮的火焰就要翻過寂寞的圍牆
夜昏暗有太多心碎全因為感情使然不敢想
別問我將來我沒打算快樂或悲傷
不怕你看穿別惹我除非你喜歡上我的野蠻
不勉強冷眼看孤單我早習慣討厭或喜歡
我不會有隱瞞愛不輕易退讓
我就是這樣曾渴望有人能解我心傷陪我看月亮帶著我飛翔
將我所有愛釋放
我的脾氣不好又倔強我的想法很主觀不甘日子過的太平淡又不想自找麻煩
我常幻想有一天愛會翻過佈滿荊棘的圍牆
超浪漫現實中誰願為愛遍體鱗傷

啟蒙就職 @完美主義與挫敗感之鬥爭

@4月8日啟蒙就職@
今天是啟蒙第二屆幹事會就職日子
他們我上任亦是我們的離任………顯然有點不捨

上次最後會議我把眼淚忍住, 今天再也忍不住
總裁的致辭, 道出了我不少心中說話, 對啟蒙的感覺到了這一刻-------難掩
我們最寶貴的不是舉辦各類活動的經驗, 不是由虛無到實在的奇蹟
只有肥妹那句: 我們在灰暗中的那份堅持, 與大家互相體諒互相扶持, 是我們最寶貴的得著
相信, 我們任何一個人都不會忘記當初崎嶇的起步, 我們曾經失望, 懷疑自己, 甚至想放棄;
我們也不會忘記, 我們沉著氣, 一步一步向前走, 我們走得不快, 但我們不曾停下; 我們受別人的誤解與批評, 但我們仍緊守崗位; 我們有不足, 但每個人也盡自己能力做到最好, 我們也有失敗的時候, 但我們從不言悔
自問自己不曾去扶持任何人, 但在他/她們的體諒與包容中經歷, 我也體會了扶持包容的重要…

看著新總裁與舊總裁的交接
我也正式告別了啟蒙, 踏上另一段路途
去年的自己要向別人證明啟蒙是一支有實力的學會, 而未來似乎要證明自己是一個有實力的學生…………………
仍然在懷疑的狀態……….

@4月9日@

一早便回學校傾policy seminar …….進入了最後階段
承認自己始終是ambitious, 始終想做到一個跟同學有交流的seminar
觀念與現實, 需要時間加以整合

下午再見catherine
老師因早前抱恙, 跟她的會面延後了
今天見老師精神的確不錯, 我也放心了
跟老師討論了自己的性格
再一次證明了, 自己是一個完美主義者,
結局往往是情緒崩潰, 身心受創
要說服自己是一件困難的事……..
離開bu 到又一城跟cherie 繼續討論policy seminar…….
有點累, 腦部運作得不好……似是通了, 但又有塞著的感覺
終於買了小禮物給同學, 今次不是投其所好, 小玩意一個, 沒甚麼特別大的意義, 只希望同學在艱難的日子裡能盡量使自己輕鬆一點……..
我不希望她會是另一個自己
當問題到了非常嚴重的地步時, 要花上很大的力氣去面對跨越, 而結果亦是浮動得使人疲憊, 進進退退, 浮浮沉沉
,
今天是比的23歲生日
衷心祝福他, 在未來一年的實習裡, 有不同的得著
能多發現自己優點

daily feeling ---- 節錄

一個人在圖書館的某一個角落, 寫著自己感受時, 忍不住哭了, …………… 近來習慣了一個人時哭,
在別人面前---哭不出來…….覺得不在人前流淚是一件好事, 我一直都不想自己在人前擺出一副哭哭喊喊的模樣;
可悲的是, 一個人哭的時候也格外孤獨, 心情也會特別差, 四周的寂靜令內心更不平靜
一個人流淚時總希望身邊有個人能給予自己一個擁抱, `當被擁抱時, 像有了依靠, 似是有人跟我分擔了我的憂傷…………………..

我又總說服自己, 快樂是要靠自己去製造
如果要靠別人來得到舒懷, 那自己並不是真正的快樂,…….
如果可以, 我希望自己內心跟外表一樣的剛強

自己

不要求別人愛你
只有自己愛自己
人生的路途
過客多的是
伴隨走完這段路, 仍只得一個
雙腿支持你
雙手擁抱你
聆聽是心靈
緊閉雙眼深呼吸, 便是喘息的空間
握緊拳頭, 便有前進的力量

領會

呢兩日番到屋今都要飲苦茶, 真係好苦, 我知道仲有排飲…
今日飲苦茶時, 我竟然領會到一d 生活道理
一向飲苦茶, 我都係閉氣, 用4秒時間狼吞, 然後即刻食山楂餅去左苦味
不過今日準備不足, 未準備好山楂餅就飲, 飲完先記得
於是個口就要承左一陣苦味………… 真係好苦, 開頭以為自己會頂唔住嘔番出o黎, 點知自己又頂到…….
咁我又諗其實自己面對placement, 面對生活, 都好似, 飲苦茶咁..
有d嘢, 其實我係可能係handle 到, 不過係自己睇得太大 , 係自己冇勇氣

最近見多左catherine
從佢身上, 我發覺自己對casework 多左信心
以前我會覺得做counseling, 相對於counselor, social worker 係好limited, 因為social worker counseling training 係好basic
見左catherine 之後我有左少少改變, 我覺得有時可能worker 比counselor 會做得好, 係因為social worker 可能對人o個種sensitivity 會比counselor 高, 對於建立一個trust relationship 會好d

withdrawal 嘅日子依然繼續, 呢段日子接觸嘅人唔多, 多左好多空間去聽下自己嘅聲音, 去同自己信任, 真正關心明白自己嘅人分享一個最深層嘅自己……..
雖然面對自己嘅時候經歷左好多好痛苦嘅事, 會懷疑自己, 會睇唔起自己, 甚至唔知自己係咪自己……………過程一d 都唔容易, 因為一定要自己去面對, 人地只能o係情緒上作支援
其實個感覺就好似解緊一個又一個繩結咁, 由緊變鬆, 亦可能越來越緊…… 點都係一個對自己好好嘅磨練
琴日去開觀塘, 諗住睇下社署o係邊, 點知原來自己唔冇mark 低地址
所以冇去到
仲有兩個星期就出field , 由開頭好驚, 到而家變成有少少期待心情
今日見到天美, 佢講左唔少嘢俾我知, 佢仲話d 細路其實唔係咁worse, 佢又話我夠個人firm, 可以manage 到, 仲同我講左paper work 方面, staff 方面嘅嘢………真係一支好大好大嘅強心針, 真係好多謝天美
好想emily 快d 搵我或者快d 搵到emily…… 好想知多d準備多d, 好想快d 挑戰自己………..我要證明俾自己睇自己係有足夠能力應付, 唔好再俾自己打沉自己
唔可以再做自己嘅敵人

The road to SUCCESS!!!!

31/3
今日番左學校見catherine, 知道同做左一個未聽過未見過嘅exercise

學左點樣relax 自己…..仲好似入左少少催眠狀態, 好神奇

CATHERINE 送我的寶貴禮物-----

The Road to SUCCESS

SOW an act and you REAP a habit

SOW a habit and you REAP a character

SOW a character and you REAP a destiny

包包會好好加油!!!

沿途紅燈再紅 ‧無人可擋我路 *Underneath the Surface*

Saturday, April 30, 2005

渴望解脫

傷痕累累

Thursday, April 28, 2005

性小組之後

Wednesday, April 27, 2005

性的小組

Tuesday, April 26, 2005

唔要肥

Monday, April 25, 2005

Dysfunction

不幸

Saturday, April 23, 2005

朋友

Thursday, April 21, 2005

2 nd week placement

Wednesday, April 20, 2005

澄清

在海邊

Tuesday, April 19, 2005

To sonie

Monday, April 18, 2005

To andy

學習.. 表演…..不合理

Sunday, April 17, 2005

MY WAY

真正的我

Friday, April 15, 2005

又想放縱沉淪

Thursday, April 14, 2005

初現曙光

Wednesday, April 13, 2005

第一天實習

Tuesday, April 12, 2005

不知如何說起

Monday, April 11, 2005

困擾

Sunday, April 10, 2005

好歌

Saturday, April 09, 2005

啟蒙就職 @完美主義與挫敗感之鬥爭

Friday, April 08, 2005

daily feeling ---- 節錄

Tuesday, April 05, 2005

自己

Saturday, April 02, 2005

領會

Friday, April 01, 2005

The road to SUCCESS!!!!

About Me

Links

Previous Posts

Archives

沿途紅燈再紅 ‧無人可擋我路 Underneath the Surface