Friday, September 30, 2005

Outdated @掛念美男ssss

近日,開始左一D 新嘅方法去relax ,就係睇大家好鍾意嘅長今
我真係好outdated ,當大家每晚睇大奧時(或者有人已經睇完),我先開始睇長今
而家仲係睇緊嘅長今仲係一個小妹妹
終於明白當時比點解會每晚都睇長今
原來,當一日裡面有好多嘢要諗要做,個腦塞到爆時,睇下長今,係可以boost up 自己


呢幾日都有睇美男andy 日記
知道紙皮同新朋友威威明爭暗鬥,真係好攪笑
我好想見下紙皮,唔知佢知唔知有我呢個型人幫佢改個型名呢!!
Andy 哥,幾時帶紙皮出o黎蒲呀,好想見佢呢!!! (都好想見下你,睇你日記,感情好似有d 新動態喎,快投案^0^)

Wednesday, September 28, 2005

塞屎渠的SUPERVISION

今日朝早supervision
傾左兩個鐘
Linda 真係好勁,第二次supervision 就知道左我嘅弱點
Perfectionist !!!! 自上個placement 完之時,我已經叫自己要克服呢樣嘢
點知,短短兩個week 就俾阿sor 知道左……
supervision ,同linda 傾左好多嘢,從佢嘅分享,我知道組織者係需要識得對自己好,令自己開心先可以長遠
要收起自己嘅anger ,要學識體諒…..
無論係兩性或者係基層都係要咁
真係好高嘅挑戰呢
同樣地,都要令client 識得咁樣去生活

o係咁早嘅時間就可以有人提點,真係一個好好嘅得著

除左傾自己,仲同阿sa 傾左好多工作方面嘅嘢,佢仲問左我好幾個問題

個腦有好多嘢充斥住
塞晒屎渠咁,認真救命
夜晚的起心肝去左跑下步
個腦先通番 d....


工作已經開始,好緊張
雖然我唔知道HOW FAR I COULD REACH
BUT
不求超越別人,只求跨越自己
努力做好自己,不要完美主義

Monday, September 26, 2005

Low productivity

上星期五同jenny 姐同鳳鳳去左打squash
第一次著住條牛仔褲打(因為之後要去agency visit)
做運動個feel 真係好好,出左一身汗
明天去打乒乓波,好期待



星期六番左三節,連續工作十三個鐘,真係攰到傻
佢地o黎緊會出席好多會議同action ,我可以有機會參與,實在太好
10月31日立法會會議,我希望我可以學習到更多,好好裝備
星期六同事同我分享左好多關於empowerment 嘅睇法同做法,真係獲益良多

自力更生,仲有好多嘢要study ,好彩上次問一問同事關於呢方面嘅explore 方向,唔洗再盲中中
出field 到而家,一直都覺得自己好忙,好似好多時間都用左o係sit meeting 入面
都仲未好好諗埋個O report 個structure
而家仲要plan 下自力更生嘅相關工作
從mobilize 更多婦女,提昇awareness ,train leader,social action …. 想做好多,但可以做幾多,都唔到我掌握
個人又開始緊張,呢排瞓得好差

唔知點解,好似仲有very low productivity
加油!!!!!

Friday, September 23, 2005

不能接受

家事,又知道多左,心裡面好緊
關於爸嘅事,似乎又再完整一d ………
中秋節晚上已經有一個接受唔到嘅消息,心情尚未整頓好時,又再多一個
真係好唔開心……
一直都叫自己頂住,
今晚終於頂唔住,全都因為爸嘅事之餘,嫲嫲都似出事
一次過,有d 負荷唔到
番到hall ,沖涼時忍唔住就喊左出o黎

都幾無奈,當我好需要平靜去令我好好處理工作時
身邊嘅事可以有咁突然嘅變化
攪到我想平靜都唔得
星期日會番大陸一次去探嫲嫲,到時我就要面對一d 我唔想面對嘅事

我只係唔想影響到我出field
我要企得穩


其實,我覺得孤單

不是實習天,卻在實習地

今日係星期四,唔係placement day,但都忙左一整日,因為community walk好攰,係腦嘅攰
一早去左舊校同長沙灣交文件,之後就入屯門
雖然我好醒咁搵左部去屯市嘅巴士,但係上左呢部巴士又係一個大蠢
o係一時魯莽咁上左52x,簡直係一架觀光巴士咁,兜到傻
用左差唔多九個字先到達
差唔多係由bu 去屯門嘅時間
一個上晝,去左好多個地方,民政處,社署保障部,社署家庭服務部,勞工處,屯門區議會,仲有圖書館
保障部隔離仲係感化辦事處,當時仲諗會唔會阻到兩個仔
親身經歷被refer o黎refer 去,最深刻係上保障部,d 感覺唔知點形容,d 人俾我感覺好似好冇hope 咁…..個心唔係咁好受
上到家庭服務部,只不過係想攞一本係公開派發嘅通訊錄,個社署staff 竟然想呃我,好彩我o係民政署度知係免費派發,仲要係社署出,在challenge 下,佢雖然俾左我,但點都死撐,真係想xyz。心諗,我個樣都似一個有讀過書嘅人,呢d 職員都想呃,d 婦女去時時情況咪仲差
o係勞工處,observe 到差唔多全部都係中年人,仲要真係婦女居多,d 工種,待遇,真係不知所謂
最離普一份係甚麼飯盒包裝員,一日企10個鐘,除左包裝,仲要搬,又要做埋清潔,每小時 20大元………….. 聽到隔離個婦女都覺得好刻薄
呢d 奸商真係好shit,真係唔明,點解呢個社會會係咁
去圖書館搵stat ,嘩!!!一d 應該市民有權利睇嘅嘢如區議會工作報告都要閉架,要搵職員,登記呢樣,登記o個樣,仲要唔可以帶離現場,心諗駛唔駛,又唔係鑽石
行左唔同部門,緊接去大仁愛堂中心上course ,講家暴,師姐阿靚o黎share
另一人位同事原來都係師姐
原來係人地team meeting,不過同事真係好nice ,好welcome ,ic 都有sit ,之後仲同我傾計,話題竟然係紫藤,原來佢個仔都有幫手…呢個世界真係細

完左一天嘅工作,好攰
DATE 左比比,佢同我去食PIZZA ,肥死+飽死 (剛有D 成績,但前功盡廢>.<)(下次唔好食咁貴,你可以儲多d$$$$,我又`可以減肥
之後因為想迴避HALL 嘅火警演習,去左睇*外出,我覺得唔係太好,節奏太慢,最緊要係message 唔鮮明,產生唔到共鳴。可能個message 唔適合香港社會
臨別,唔係太開心
我唔係要搵邊個啱邊個錯,只係我唔明白
或者係我諗得太多,或者我多事
關心同干涉,點定位???

Anyway,其實同你一齊嘅時間係好開心因為,你係我最大嘅同行者,支持者,讚美者,照顧者,技術支援者…..
只不過,好似每次都係要有d 瑕疵
可能後現代嘅完美本身就包括瑕疵!!!

Tuesday, September 20, 2005

中秋節

又一年喇
今年嘅中秋節前席(追月的一天),要番中心同婦女開會同上培訓班
上晝個會因為worker 屋企有d事而遲左番
得番我同另一個婦女staff 同其他姊妹一齊開會
因為自己焦點唔係太清楚,加上自己又冇準備要同佢地hold 會,所以帶唔到最重要嘅message
下晝同班婦女去左飲茶,同佢地傾落計,覺得佢地好特別
同佢地上培訓班,因為自己對於綜援了解都唔係深,所以呢一堂都好有用
睇到worker 做, 原來要提昇意識,係可以用一d 好唔同嘅方法
完左培訓之後同事同我share 番,佢叫我可以細心諗下關於自力更生計劃嘅嘢
番去都諗唔到d 咩,連hon pro 都未諗定……….死死死,真係太慢
呢排個人function 得唔好,個身體又未見好轉,真係好煩

星期六晚就番左恆安同屋企人食飯
因為爸番左o黎
去左酒樓食……..
唔知點解一對住全家人時,我就會沉默
你冇乜動力去講嘢,亦唔想講
星期六至星期一都o係屋企陪屋企人
-比比就一連幾日都要番part time,晚晚開工開到9點
中秋o個晚先有收得早d
真係好嬲囉,我唔係唔體諒工作對於佢嘅意義同實際好處
不過,我真係好唔贊成一下子去到咁盡
對自己身體唔好之餘,又冇時間俾我同佢屋企人
我覺得做每一件事都要攞番個平衡
太過側重一邊,只會令一個人要放棄好多
因事業,感情可以放棄;但自己嘅健康同屋企人冇理由放棄
其實咁忟,係因為兩個人一齊咁耐,唔多唔少都會對對方嘅事會好上心
好難可以以一個旁觀者咁客觀嘅態度去睇
有時都好想你知道,唔係淨係你唔想我辛苦,我都會唔想你辛苦
暫時我未有能力去俾最好嘅你,可能呢d 脾氣就係我對你關心嘅表達,
或者我有必要去學習冷靜d 去處理自己脾氣
但o係我未學習到之前,我好想你明白,我對你嘅脾氣已經唔係以前o個種無理取鬧
而家對你嘅脾氣係關心你嘅同時,我亦會怪責自己嘅無力無能
我絕對支持你去做part time,只不過我都希望你唔會去得太盡,要俾番d 休息時間俾自己 (你要知道休息對你有幾重要);有咩唔掂,我會同你一齊撐掂佢 (兩個人一齊,唔係只有你撐我,而家我唔可以撐你)

而我應承你嘅事,我一定會在我能力範圍內做
至於見醫生,睇我努力嘅情況如何,始終都係太貴嘛


越o黎越想番屋企住
屋企有我愛嘅人,只有佢地唔會離棄我
好唔想離開屋企

Thursday, September 15, 2005

充實的開始

CD placement 嘅第一日,已經好充實
出NGOs ,仲要係CD setting ,感覺真係比上一次好唔同
同事有YA、有PA ,有worker
仲有唔同部門會過o黎開組,上course 等
又有唔同街坊出出入入,又上進修班,又有小朋友補習
同社署,尤其是CSSS真係好好好唔同
d同事 好nice,用左成個上晝同我BRIEFING 關於中心嘅工作,婦女充權project 嘅內容,合作社,亦briefing 我o黎緊工作的選擇、有機會參與嘅工作嘅大致方向,同佢之間嘅分工,anticipated 到嘅困難
又俾左d 好有用嘅文件我睇,尤其是關綜聯嘅minutes ,真係好有用

下晝centre IC 番左o黎,一睇佢個樣就知道佢係一個好nice嘅 IC
linda 亦o黎左傾有關我嘅工作安排
LINDA 真係好好,有D嘢我同同事傾完,但自己overlook 左,佢都即時幫我CLARIFY 番
Lunch完左之後,有幾個婦女上左o黎,仲同佢地傾過下計,真係好
之後supervision ,linda 俾我好幾樣功課我,全部都係prepare 自己,佢問左我一d 問題,d 問題係直接同工作有關,發覺自己有好多嘢都未諗得仔細,淨係去就住個issue去諗得仔細d 全面d ,相信都要花好多時間

同linda 傾完之後就同同事出左社總開關綜聯嘅會議
唔知油點解,好似d 人好似好面善咁…..今次仲有張超雄
睇住人地開會,真係覺得自己好渺小
睇到一個有交流嘅會議,原來可以咁舌劍唇槍,雖然意見同觀點可以好唔一致,但大家都o係一個共同目標
佢地會同戰線,、攻守,大仗等事眼
令我體會到去同一d 唔合理嘅體制同制度抗爭其實就係一場仗
有道理之餘其講謀略
睇到同事真係好勁,好assertive ,佢提出嘅都係完全為左街坊
佢地講嘅嘢,有好多都唔能夠即時catch up 到,有d 要d花一d時間去消化先明白,睇到自己真係好渣….. 要加倍努力先得
以後嘅日子,我要獨立工作,真係擔心自己會做到一鑊粥
不過我真係會好努力去做
希望可以好似tracy 媽咁做得咁好

因為琴晚瞓得好差,夜晚開完會之後就好唔舒服,好想嘔
番到hall 飲左杯麥片已經冇胃口
整理一下o黎緊要做踲工作同功課
draft 左個timetable ,睇左少少CD書就去瞓
因為我婦女主要星期六先會MEETING,所以我工作日子主要都係番三、六
但我星期四應該都會番,爭取機會去接觸姊妹,了解佢地多D
好開心同事覺得我propose 嘅做法可行,希望婦女會願意啦

打完呢個日記,就要開始做晒linda d 嘢先

再去仔細諗諗工作嘅嘢

雖然夜晚時,心理面又浮起左一d 自我否定嘅念頭
我知道第一日d 老毛病就發出o黎嘅話,我以後一定唔會做得落去
但自己同自己做REBT ,聽下D relaxation 音樂 ,就好好多
睇o黎我要發展多d 幫自己relax 嘅方法


第一天番工就OT,勁呀!!

包包加油,ON FIRE 呀!!!

Sunday, September 11, 2005

改變了AND community walks屯門

打開幾天沒有打開的日記,看見果李小姐及肥妹的留言
多謝肥妹關心,作為活動的主力攪手,你可以看得這麼成熟豁達,我自問沒有資格為這件事而耿耿於懷。
事實上,感到不好受是有的,但感覺並不維持
可能,自己看事情比以前看得開、開得輕了
明白到,不在我們掌握的事多的是,不能為這些不在我們掌握的而浪費自己的細胞
也許,心態上,我改變了
改變,是因為對環境對人事看得比以前清楚
明白到學懂自處自愛在快樂生存的重要性
實習過後,休息了兩個星期,見了不`同的朋友,同時,亦跟某些朋友覺得疏遠
我並不太了解原因,不過現實得知,關係的發展的確是如此,我便要接受
獨處的時間多了,人也學習了安靜,泰然看待身邊的人事
雖然是消極的因,希望有積極的果



這些日子,仍沒有太大的動力去準備實習
應該說,不太想只從文獻中去準備
女性主義,看得我頭也脹了
各門各派,目標都是為維護女性的福祉,各學派都在不同層面上為婦女充權,當中有實際權益的方向,也有一針見血,個人認為擊中問題中心,挑戰傳統觀念的意識層面方向。
對於好一個理想主義者的我,一個全面的方向是包括實際與意識層面
可悲的是,現實看來,似乎它們並不能並存
只怪在現代的資本主義社會裡,除了父權,還有很多體系影響每一個人的生活
要人們為自己權益,同時地兼顧生活,的確是一件難度極高的事
對於一個見識淺陋,入世未深的婦女工作學生,也是一個難度極高的事
思索中也混亂中


community walks
為了增加對社區及機構的認識
兩度到了屯門區community walk
第一次在allocation 之後,第二次在orientation 之後
第一次, 有比比陪伴,果林小姐作導遊
第二次, 一個人再闖屯門,因為confirm了自己工作的unit─── 友愛邨仁愛堂彩虹社區中心

第一次的community walk,確定了仁愛堂的位置及其規模 ,在新墟行了一圈,看看街上的人,留意了中心的人流。以仁愛堂的規模,相信是區內主要提供社區服務的單位,中心的相關配套非常齊備…. 打了一個白鴿轉,便跟果林吃了個下午茶,之後便分別拍拖去
第一次的community walk ,因為有朋友跟男友在身邊,所見的並不多


第二次community walk,在出field 前的幾天
因為centre ic 聯絡了我,已經confirm 了自己工作的unit
決定一個人再去屯門一趟,目的地是友愛邨
用了另一個方式到屯門
一個人,不怕麻煩到別人,可以多花時間去留意社區的人和事
在友愛下車後,花了10 分鐘便找了到中心的位置,位處在連結不同大厦平台,是頗典型的舊式中公屋社區服務位置
星期日的中心是不開放的,在門外踱步了一分鐘便離去了
之後在友愛邨內了一圈,途中問問途人有關中心的事,似乎人們多認識大中心,而非彩虹中心
友愛邨內人不多,環境非常清靜
行了友愛,再到新墟的仁愛堂大中心,便乘輕鐵到市中心,穿過商場走到新墟那邊大中心的位置
市中心及新墟的景象跟友愛非常不同
人非常多,商舖亦多
比起上次community walk ,今次新墟似乎比上次熱鬧得多,可能中秋將近,家庭們都去買月餅吧!!!!
今次收穫比上次多,但仍有很多關於這個社區的未了解
屯門社區,尚要多花努力去認識


仍然落區@紫藤
紫藤的工作仍然繼續
主要落區派通訊,重建姐姐仔網絡
行了上水、粉嶺、北角、西灣河;
開始熟悉北角一帶的環境,上星期五落區時還跟一位姐談了良久,雖然落區的進度會因此而拖慢,但可以建立紫藤與該區姐仔的關係,絕對值得
還有北角十多間、大埔及筲箕灣,需要好好安排時間去兼顧

下星期義工聚會相討新workshop
姐姐仔手冊,有待姐姐回港後再跟進
希望工作順利
希望實習順利
希望身體毛病好轉




比,感激你對我的好
請不要再為我花錢了
多留給自己,待自己好,也就是待我好

你多了一份兼職,老實說我是心痛的
但這是你的選擇,你亦有你的原因
我會支持你
我唯一的顧慮是你的健康
工作,上課再兼職並不容易
好好照顧自己

Monday, September 05, 2005

三年級開始

三年級終於來了
第一個星期正式上課的第二天,原來興奮的心情,因為老師的一番說話而變得低落
去年事件的真正圖像
到了今天才恍然大悟
心情的確是複雜的
令到同學損失了學習及真正體驗的機會(自己也是同樣地承受),內心覺得不開心不好意思,可是,回頭再想,當時我們並不知道會有如此的連帶後果,而過程中亦沒有人作出提示提點
當眾被指責,心裡的確不好受,我想她們的感覺應跟我差不多,甚至比我更難受
事情過去了,我們可掌握的可算是零
又上了一堂課


放學,因為loan 的事約了爸一起午膳
覺得爸消瘦了,髮線有向上移的跡象,樣子亦憔悴了
那一刻心裡想哭,是因為那一刻覺得他開始老
又想起家的事
對他的感情,不懂形容
不恨他,也不十分愛他 (起碼比媽少)
其實,我仍愛我的爸,但是我不懂在這個位置去愛他,或是表達我愛他

家庭,就是這樣的了
起碼…… 我對我的家庭是這樣

jenny: 感激妳的電話問候,若不是你,我想我又會用忙碌來蓋自己的感覺了