沿途紅燈再紅 ‧無人可擋我路 *Underneath the Surface*: March 2005

宣洩

29/3
看到Catherine 的回信往往是我宣洩的時候
今夜又再收到catherine 的回信, 眼淚不自覺地流,
心很實, 人很亂, 有快要窒息的感覺
我不喜歡流淚, 流淚總令人失去力量

傷心過後, 仍得投入功課

支持自己
堅持自己

.....................

嚥下了憂傷………
`****** 只得後悔
理性與衝動, 只在一線之差
跌落那個漩渦中, 只能自救

突然, 渴望世界停頓
若生命若可停頓一刻, 就可換來一刻的平靜

.....................

嚥下了憂傷………
`****** 只得後悔
理性與衝動, 只在一線之差
跌落那個漩渦中, 只能自救

突然, 渴望世界停頓
若生命若可停頓一刻, 就可換來一刻的平靜

感激日

今日一早食左早餐之後又番bu 做功課, o係李作權做, 天然光線加自然風, 真係好舒服, o個一刻幻想自己身處一個大草原, o係柔和嘅陽光下睇書, 真係好正!!!

做做下發現自己focus 擺錯左, 真係心急死我, 時間無多喇……一點就衝去拉爸再搵書……
離開BU時俾我見到一樣好核突嘅事…..我見到兩隻 “甲柺”在交配
交配唔係核突重點, 最令核突嘅係兩隻 “甲柺”, 生平最憎青蛙類嘅物體, 真係見到都打冷震…….
因為時間關係, 幸得你收留…….呢幾日我都好體會到你對我嘅support, 多謝你

約左andy, 我知道你係特登o係placement前約我, 知道你有留意我嘅事, 知道你關心我……… 所以即使paper有幾多未做都一定出o黎, 因為我知道大家已經唔同以前咁flexible , 尤其是你轉工之後………
今日見到你, 你又瘦左, 又冇精神, 係我識你以o黎最殘, 加埋副深色粗框眼鏡,, 仲顯得你更殘….你要快d 適應喇……. 雖然同你一齊都係你帶我去唔同地方飲飲食食or 玩, 不過真係好開心….
我知道你真係唔like 呢份工, 不過, 要儲錢實現自己理想又要先辛苦下
你要加油, 唔好忘記你promise 過我兩樣嘢,…………short term 就係你同我去有骨氣, long term 就係你間甜品店, 我要食你整嘅, 又係全店第一杯嘅朱古力慕士, 要比上次你整俾我食o個杯要pro 好多………… 為左要滿足我, 你要努力呀
仲有, 期待下次你同我去郊外玩

因為身體嘅問題, 今日一整日都好攰……..但心情上好開心
番屋企時真係好攰好攰, 差D唔記得落車
今day 是愉快的一day

快樂感動兩難

琴日番左學校同cherie 一齊做paper, cherie 同我講左好多關於case therapy 嘅嘢, 唔知點解, 好冇印象…… 死喇, 明明學左, 點解好似冇學過咁o架??

收到andy 電話, 勁開心呀
佢轉左工之後終於有假放搵我喇, 實在太高興
相約左星期一, 到時見 J

夜晚過得好開心
去左睇戲, 睇左「藉著雨點說愛你」, 好感動, 睇到喊, 愛情真係可以咁??
劇情有d 意想不到

寫左好多嘢俾catherine, 估唔到自己會越寫越多…….. 自己好似進度好快, 但其實我知道只係假象……只要一o係屋企, 又會再發生…….今朝又發生左好似只要o係屋企就唔能夠進一步, 可能真係好好考慮住hall 呢個問題, 好難抉擇, 唔想掉低媽一個人, 但又想自己可以得到舒緩…..自己同媽,…. 都唔知點揀

(續.......)

寒

琴日見Catherine , 應承左佢每晚都交功課
但今朝竟然唔記左send 俾佢, 佢夜晚打o黎我先記得…..實在係太差, 一個勁bad 開始……
今日番左bu 做paper…….. 因為意氣用事, 著左短裙……超凍
室外地方凍, 室內地方更凍………
今日一個人o係李作權做嘢, 真係風涼水冷, 都可以集中到…
不過最後因為太凍, o係bu campus飄泊左去唔同地方, 點知個個地方都係好凍
最後o係舊校common room 算係settle 左

假日嘅學校好少人, 有嘅都係一d 工人, 實q , 同埋好少數學生
大家都似係為左生活去放棄自己自己嘅假期
工人與實q 就為左而家生活
而學生就為左將來嘅生活

覺得, 做人點解要放棄咁多嘢, 可惜嘅係, 放棄左好多,到最後我地擁有嘅會係d咩???
我諗起o個時幫耆康會做問卷
好多老人家, d老人家個個d 手手腳腳總係有d問題, 問番佢地, 原來不論男女,好多後生時都做一d 好勞動嘅工作, 佢用左大半生嘅時間去為左生活拼搏, 放棄左健康,放棄左自己好多想做嘅事
有d 幫人打住家工嘅婆婆更加冇家庭, 老時d 姊妹相繼離開, 在世嘅就會覺得搵唔到生活, 甚至生存嘅意義 , 聽到好難過………我諗唔到咩同佢講令佢feel better , 我只覺得, 俾著係我, 我都搵唔到生活嘅意義, 因為給予生活意義嘅都不存在
記得讀human development 時啟芳老師同我地講過, life review可以令老人家睇到自己或者一d positive 嘅事, 不過, 如果老人家一生中有好多都係唔開心嘅經歷, 而佢又只會對唔開心嘅事有深刻印象時, 可以點review 呢??
我地呢d 後生人, 未經歷過佢地年代生活之苦, 可以點去empathy , 可以點with client??????
算啦, 我都係恐懼做elderly……. 無論做elderly service 嘅worker或者一個elderly , 我都好怕…..

新生活

今日番左學校見Catherine,
見佢之前,個心好亂, 諗下點組織我要講嘅嘢, 有一刻情緒又差d 忍唔到

佢真係一個好好嘅老師, 去到見佢, 比起見vivine , 感覺舒服得多
講左自己呢幾年大概嘅問題俾佢知,
最近嘅事都有同佢講……….好鍾意catherine 溫柔嘅聲線, 成個過程唔似counseling, 似朋友傾計 ,
佢同我定立左 <<七日假期不死計劃>>, 希望我會堅持到, 仲要靠cherie support
我希望番學再見catherine 時會冇進步都at least 唔會退步 ….

見完佢之後好左好多, 好似有d hope
去左拉爸做paper, 唔知咩原因, 落唔到筆, 可能唔平靜…..亦都可能係琴晚d 酒氣未過晒………

再重遇之時．．．我們是手牽手
同時．．．我們也背對著背
向著各自的方向走
維繫著我們的是我們的手？還是一條把我們都套得緊的繩？
我們是在拉扯？
我們是各自看著自己的世界？
我們是在勉強？
我們還有沒有擁抱的力氣？
我們是否同行,是否扶持？`
我們----還可以叫我們嗎？
你滿足於現況, 我卻不安
我想走, 因糾纏太久, 孤獨太久,
再也找不到相愛的理由, 是因為我們再不相愛?是我們不懂得愛? 是我們只愛自己????

自覺與放縱

星期三有day off 嘅日子已經剩得好少, 相信大家都要係正處拚搏期, 為paper, 為placement 而拚搏

大car, 你嘅心情我之前都經歷過, 你由得佢自然發生啦, 越suppress 越辛苦,; 同埋, 你d counseling 咁勁, 阿邦又係一個好有heart 嘅人, 你地個placement 應該都ok o架!!!擔心完之後, 一定可以做d 嘢去令自己feel secure 一d 嘅. 我地都要加油

琴日番左學校聽honours project, 拉爸教我地點search 資料, 好似yr 1 o個陣d workshop 講過……..因為太攰, 冇乜點聽, 反而諗下究竟我想用o黎做hon project 嘅topic 會唔會做得到呢!!!!!!有d 期待, 好似實現自己一d 小小夢想咁….

又開policy , 今日個會, 自己有少少唔係咁開心, 其實有d 嘢唔知係咪自己唔適合做…….. 做左出o黎有個唔係自己太期望出現嘅結果…..
幸好, 最後大家都clarify 左大家嘅疑問, 開始可以做一D 實際嘢

之後去左拉爸做group paper, 難得今日好集中, 因為只食早餐冇食lunch , 個人就冇咁易攰……..太好喇, 搵到集中精神哾要點

晚上約左人去玩, 做左夜青, 放縱了!!!
冇諗過一個晚上節目都可以好似日頭咁豐富
去左食砵蘭街一間好有質素, 小本經營嘅小餐廳食飯, 完全冇諗過一間咁細嘅餐廳d 食物可以serve 得咁有水準, serve 我地嘅人雖然係中年婦女, 但態度勁好……..靚仔果然冇介紹錯喎 ^0^

食完飯去左睇戲, 一入戲院, 發現自己好多戲好多想睇呀, 無論係上左畫未上畫的…..最終揀左『連環不幸事件』, 最後尾o個段好感動, 可能做人係要抱住咁嘅心態日子先會過得開心……..
去左飲酒, 入左間唔抵飲的, 終於飲到black label 喇, 好開心,
不過, 因為間bar 唔抵, 下次唔去
靚仔知道我placement d 嘢, 同我講左一大番「賺蝕」道理, 其實我知道以我咁性格去面對人係會令自己好辛苦,
不過,就係俾你講中, 唔服輸係我弱點, 人地用下激脹法就會達到佢地目的; 而我又係o個d任性衝動型, 死就死, 就係唔會冷靜唔會屈服, 爆左先算
講真, 你講嘅嘢都有人曾經同我講過, 不過係我唔聽….
因為係心目中令我會聽心脫誠服去聽佢說話嘅人唔多, 你係其中一個, 而cherie 都係我朋友圈子中我會聽佢講嘅一個
今次你教我嘅方法, 我真係會好好諗諗, 試下去實踐……(leader 叫到嘛 ^0^)
anyway, 多謝你嘅lecture

今晚放縱程度係達80, 離開貴bar 之後再去買……
我唔太like 紅酒o個酸味, 始終都係black label 好d
聽左朋友嘅感情事, 我好欣賞你為佢咁多嘢, 好似你每做一件事, 都係佢嘅存在而賦予意義……
你做咁多嘢, 如果係我我一早已經好感動囉; 雖然大家同一星座, 但我都好唔明白佢點解會咁……
作為你嘅朋友, 我做唔到d 乜去支持你……. 記得隻 “一定duck”, 佢會with u always !!!!
估唔到今日係天光先番到屋企, 就好似o個時落夜青咁, 人地起身晨運我就先番屋企…..

琴晚真係好開心, 雖然唔知音人, 但絕對係傾到計, 期待下次仲有機會

terrible

肥左呀!!!!!

-__________-

百感(二)

關於policy seminar
星期五hyper mint 佢地present , 佢地present 時個心有少少唔知點咁
因為本身自己都屬於hyper mints, 的, 不過, 今個sem 自己就選擇左試下新嘅組合而離開hyper mints 大家庭…… 功課上已經冇乜同佢地聯繫到, 但平時嘅學校生活都好似有同一命運…………..
卓如叫我放開自己, 可能真係我唔放開啦, 不過, 會唔會係大家經歷嘅嘢唔同左, 要再加入大家, 好似要多一d 嘢去配合
不過, 始終hyper mints 每一個都好好, 一時嘅分別唔會影響得好大, 我相信
睇得出佢地好用心去突破一貫presentation 嘅風格……….
努力去做一個有interaction 嘅seminar , 進步空間當然有.不過已經係一個好好嘅開始

自己o個組seminar , 大家都keep 住個個week 至少開一次會
去左見邵生………. 俾佢帶到去太空…….. 我自問我大概知道佢想點, 但一定唔係掌握得好好…….始終意識形態嘅嘢, 深起上o黎係可以好深….

同埋, 我都唔想個seminar 跟佢o個idea 去走, 即使真係跟佢, 都未必會有好效果
結果成group 人決定用番自己d 嘢
又開會傾……. o係咁大嘅topic 下,其實真係環環相扣, 可以講好多好多嘢, 呢樣真係諗到個人死左好多腦細胞
今日開完會又有d新結果, 我地好似可以再precise 一d 去發現到一d insights, 再詳細傾傾個system , 好似就有d 嘢喇
Derek 提議o個個format 我幾buy,因為我一直都想o係咁….. 不過真係好需要大家好well –prepared, 希望會出現火花……. 我相信我地係做得到!!!

關於自己
呢排寫姐姐篇article , 諗到頭到爆, 文筆一向都唔好, 而家仲要冇靈感…. 寫得好辛苦, 好對唔住紫藤, 咁耐都未交到…. 要快d ko 佢
功課
time management 好差, stress management 都好差
到而家都仲未開始做paper, 雖然大概諗過左下outline , 又睇下過書…
不過, 自知道自己消化書本時間係需要比人地長一d, 又要睇多d先會有信心落筆, 到而家仲未好好開始, 睇o黎今個sem d paper 都係…..turn out 成績唔好唔係最重要, 最重要係好似浪費左self learning 機會
POLICY 份individual paper, 仲未有任何頭緒, 除左做婦女, 名=可以做d 咩topic 呢?? 真係令人廢思….. 希望個腦筋快d進入狀態啦,……時間無多

每日都有好多嘢諗, 每日都充斥唔同嘅思緒…..
一個人嘅時間就會係最混亂嘅時間
突然想做番個小朋友
直接去表達自己情感, 唔洗諗太多外在嘅嘢
想將世事睇得簡單d, 心情都唔會咁複雜

百感(一)

完左社工學聯節之後, `可以投放多d時間o係自己嘅嘢上面
為自己功課準備, 為placement 準備…… 只係發覺自己一唔會太忙時, 就會出現一個,空洞期……. 個人冇乜force去做自己嘢, 真犯賤

有好多嘢想講…

@placement@
首先要同一眾同學&朋友say thank you, 知道大家都關心我placement allocation 之後嘅擔憂同壓力, 多謝細car, cement, 盈盈, Denise, 意粉, 大敏…… 同包包講包包係得嘅………………..
好多謝你地對我嘅欣賞, 雖然我未至於完全覺得自己好似你地讚我咁咁叻, 不過, 你地嘅說話提醒左我唔可以成日都鑽牛角尖, 要學識發現一下自己好嘅嘢
更多謝cherie 話我知我好多irrational belief, remind 我要有時住船到橋頭自然直嘅心態,
我份人就係咁衰, 有d咩都鑽晒牛角尖咁, 諗到個situation 勁差勁差, 令到自己勁down 勁down;不過, 我又未衰得晒嘅係, 當我自己情緒波動左一段時間之後, 我又會變得好積極咁面對我嘅問題….
面對placement 帶俾我嘅恐懼, 我諗我已經get over左一大半, 主要係因為真係有好多同學, even 平時同我唔係太熟, 都好主動o黎關心我,
第二樣嘢就係我明白到, 自己太緊張太擔心, 最終可能會成為自己嘅絆腳石
而家開始積極d去面對placement, 開始搵多d 唔同嘅書o黎望, 希望可以o係實習前盡力去equip 自己………. 雖然實習有d 嘢真係唔到我控制, 不過, 我諗到時有supervisor, 我都會盡力應付到…..

啟蒙最後一個會議, 同肥妹傾開, 我先發覺啟蒙呢支莊都幾騎呢, 上左呢支莊, 可能好多嘢都唔會俾明文限死, 我地根本冇咩AGM , EGM….等concept…

最後一次會議, 連YY 都有O黎, 終於有一次係人齊喇 good!!!!!
鳳鳳為大家預備嘅螺絲粉(yummy yummy) 仲有總裁請大家吃零食,大伙人就o係好輕鬆嘅環境下開會, 回顧同檢討過去一年活動, 檢討過後, 發現我地呢支莊太貪心, 太ambitious…….一個月開平均兩2個program, 攪到人力資源分配得好緊張, 真係要好好提醒我地嘅後人…..
會議入面少不了大家真情流露嘅時間, 莊員分享番上莊以來自己嘅感受, 有好幾個都喊左出o黎! 成個會好似一個懺悔會咁, 個個都話自己唔好….. 其實都幾傻, 我覺得大家都有盡自己能力去做……. Commitment 係一件需要長時間經營, 要有經歷嘅一樣嘢…所以,面對住咁大workload, 其實好難去一齊經歷…….我地期望下莊會好好建立自己一套文化, 莊員之間可以好好支持就好

Joe MA , my lover (who does not love me ^0^), He is my dream man and i can't find anyone who is as wonderful as he is. RELI Super Love him AR!!!!
Posted by Hello

不甘心

我不甘心俾人睇死!!!!

但我好多謝你睇死我, 因為咁我先有動力

我唔會再做 Adapted child

我要追尋我想要嘅嘢,

雖然你係我最親嘅人, 請唔好再胡亂批評我!!!!

我要證明俾你睇我係得!!!!!

wait and see!!!

Photo taken in Orientation Day , (From Left to right , 1st row) Sonie, Breadbread, Jacqauline, Mandy, Michelle(mentor), (2nd row) Big Man, Elsa, Fanny, Jenny, Spag....... Soine and spag are very supportive friend of me, Mandy, Fanny and Jenny are my dearest BYE buddies, and i have very supportive conservation with Big Man recently........ P.S: Jenny, You looked so "learn" at that time ^0^
Posted by Hello

尋找心中hero

頹完未??????我的hero哪裡去了??? HERO Mariah CareyThere's a hero If you look inside your heart
You don't have to be afraid Of what you are
There's an answer If you reach into your soul
And the sorrow that you know Will melt away

Chorus
And then a hero comes along With the strength to carry on
And you cast your fears aside And you know you can survive
So when you feel like hope is gone Look inside you and be strong
And you'll finally see the truth That a hero lies in you

It's a long road When you face your world alone
No one reaches out a hand For you to hold
You can find loveI f you search within yourself
And the emptiness you felt Will disappear

Chorus
Lord knows Dreams are hard to follow
But don't let anyone Tear them away

Hold on There will be tomorrow
]In time You'll find

女人不是sex object, 請為自己而活

今日坐巴士番屋企o個陣睇roadshow, 睇到一個纖體公司廣告…….爆嬲!!!!
又係o個d真實個案….由2百幾磅減到百幾磅, 個女人真係瘦左又索左
我本人都好怕自己肥, 我唔會介意d 女人為左可以變靚d 或健康d 去纖體
不過……今日(其實以前好多纖體廣告都係)個廣告令我最慶嘅個女人纖體嘅原因係為左佢個未婚夫
個廣告先係影左佢未纖前著晒tube, bit 左d 肉o係沙灘打波
之後個女人就同顧老板講,話佢纖體係為左佢男朋友嘅一句說話
顧老板仲要re-enforce 話,: 其實一個男朋友都唔會好介意佢身材, 不過瘦左就會鍾意多d……….

shit!!!!!!!! 有冇攪錯, 自己要變得靚d 係為左取悅個男人????
佢男朋友都個外形唔係好好咋喎…… 咪又係成隻豬咁, 又唔靚仔. 同街市賣豬肉o個d 豬肉佬差唔多,
自己都唔係型, 憑咩叫佢女朋友變靚: 如果佢女朋友去纖體, 咁唔該佢整容先

我知道呢d notion 係商業手法, 係d纖體公司吸引客人嘅口號,
但同時都係累死好多女人嘅魔咒
只係鼓勵d女人去令老公/男朋友開心而改變自己身材,將d錢千千聲萬萬聲咁掉出o黎之餘又要變態地節食, 做機 ……瘦到之後仲要諗點先可以keep….
各種嘅後遺症都對身體上同心理上都帶來極大壓力,
最重要嘅係…… 冇左self, 為滿足其他人而活, 自己嘅價值由人地去評定, 係一件幾咁悲哀嘅事…………………..
而男人嘅慾望又沒完沒了, 滿足左一樣又嫌你其他唔夠好……………改變自己點先得o黎完成

我睇到呢類廣告真係好忟,
而家社會女人要自強獨立, 唔單只係經濟獨立, 仲要係獨立咁建立自己個self
唔係男人話咩就咩………..
如果愛情會因為外表而有變, 我覺得呢d係肉慾, 係軀殼式戀愛, 或者根本稱唔上係戀愛………
就係因為呢d 男女之間嘅錯誤觀念, 出現左幾多年紀輕輕嘅媽媽, 冇左幾多條寶貴嘅生命……….冇左幾多可以大有前途嘅年輕人, 同埋幾多發展得唔太健全嘅小朋友
而家係街成日都見到好多好young 嘅女孩子大住個肚, 有d 仲抱住或者拖住個幾歲嘅細佬
感覺會好複雜: 一o黎好欣賞佢地唔會咁輕易放棄生命, 同時, 都好心痛
睇住d咁細個嘅妹妹仔, 自己都未玩夠, 自己都未真係成長, 但就要開始照顧小朋友嘅成長……….
佢地自己嘅前途會係點, 小朋友前途會係點, 我地將來社會嘅前途都係點????
真係好心寒, 有時覺得我地嘅教育好失敗, 無論係有關gender issue 教育同性教育都係………
將來出到o黎工作, 相信會遇到唔少呢類型嘅client
social workers 除左做一d remedial 嘅嘢,又可以做到d 咩????唔通淨係執屎???
發左咁多怨氣
我唔係想要有一個女權至上嘅社會
我只係希望兩性之間可以多d 尊重, 大家都係有尊嚴, 係平等的,
邊一方面都冇權強迫另一方面為自己改變, 各自都為自己開心而活
希望有一日, 唔會再係d 廣告上面見到以d 著得勁少布嘅女人作賣點

唔會再o係d纖體廣告聽到d女人要減肥係為左自己個男人!!!!

為實習而流淚

自從知道placement 結果之後, 一直都好不安
今日番學時一種好恐懼嘅感覺突然湧起
一day 都係學校做嘢, 留o係拉爸留到十一點先番屋企
番到屋企沖完涼就跟今日planning 繼續做嘢
上網睇下立法會文件, 睇下有關感化令嘅嘢, 睇下client group 會係d 咩人, 睇下社署呢個社區支援服務計劃做d 咩….
本來個人都冇乜嘢, 但睇下睇下, o個種恐懼感又出番o黎

其實都準備約師姐問佢有關出呢個field 嘅嘢, 但唔知點解個人真係好不安
終於就喊左出o黎
我自己都唔知道自己為咩喊
我只係知道自己好驚, 好無信心, 從來都冇試過對自己咁無信心
冇信心第一個placement 就咁challenging
冇信心做case, 冇信心開組, 冇信心令到一班motivation 低嘅client 有motivation, 有sense of hope….. 冇信心自己可以handle 好有format 嘅paper work,…..
我都唔知自己做乜, 個心裡面只係同自己講,: 我唔得我唔得!!!

只係覺得好無助!!!!!
心理壓力好大!!!
我------ 都係做唔到一場好戲,
只係識得喊…………我唔適合做一個worker

Rachel, William & bread
Posted by Hello

BU buddies@fsws festival
Posted by Hello

Rachel and breadbread.I really appreciate her personality
Posted by Hello

平靜地憤怒

或許別人根本沒可能理解
別人不理解不要緊 ---- 自己明白便已足夠
一個人也可以精彩, 一個人也可幸福

支持其實並不存在
支撐來得實際 !!!!

雖然我有我的問題, 若我不看作問題, 那便不是問題
請別輕視我
我一定做得到 !!!!
上演一場好戲--------- 我一定會!!!!!!

satisfied@ fsws festival

社工學聯節跨專業研討會及閉幕典禮今日順利完成, 好嘢!!!!
同學反應唔算係好熱烈, 而symposium 又出左d unexpected 嘅情況…
但overall 都ok , 因為太攰, 研討會時冇乜集中聽佢地講嘢, 只係好留心兩個commentator 講嘅嘢………
覺得大家都好合作
家燕媽媽真係好笑, 篤爆阿威d 嘢之餘仲勁玩主持人, 攪晒gag …….
整個closing 就好輕鬆咁過左…..
開小e, 知道ex-co 好失望, 因為好少人o黎
但我覺得係社工同仔對個社會發生嘅事漠不關心……..
只會讀書, 冇諗過我地social work 讀嘅嘢知識係來自社會, 係需要走出社會去知, 去睇, 去體驗……… 唔係單單讀死書就可以, 如果以為狂讀書就以為自己讀Social work , 咁叫讀死書, 俾你gpa 攞到4 我都唔覺得值得欣賞
我覺得我地有好多在大學讀書嘅中學生!!!!! 簡宜浪費資源!!!!
我覺得fs 24 係做緊一d advocacy 嘅工作, 係advocate 緊社工同學去關心多d 社會, 多d 關心社工事 (人地話社工要advocate 人地, 但偏偏連去關心社會呢d 咁基本嘅嘢社工學生仲需要being advocated, 都幾ironic )
advocacy 真係唔易做…. 需要好長時間去睇到個change, fs 24 真係已經做左好多, 做得好好, 佢地嘅努力一定有人睇到, 一定有人appreciate,
有時有d 嘢係需要靠唔同generation嘅人去一齊完成,
希望佢地唔好太灰心, 因為我相信下莊會受佢地感染/ 感動, 去延續一d unfinished business

開完e 同Rachael 一齊執嘢, 推檯, 執嘢去soc 房
好鍾意同Rachael 一齊做嘢, 覺得佢係一個好可愛好努力嘅女仔, 個人好真…又鍾意appreciate 人
我只係同佢一個ex-co影左相咋…..(因為得佢邀請我影相)
同Rachael 一齊推嘢上去soc 房時同佢傾計
佢同我講……. Fs camp 之前佢都記得我, 因為上次反削綜援集會
佢話得覺得好有社工格?????? 當時好surprised , 好想問佢咩係社工格????
不過好開心, 因為有人欣賞, 多謝Rachael !!! J
完左之後同佢bibi , cement, 寶妮同埋威威去左食飯, 呢個組合係第一次
覺得佢地FS 莊員好可愛, 尤其是係BIBI 同CEMENT , 同佢食飯好歡樂
不過, 應該都冇機會lu……
仲好記得bi bi 同我講左一個祕密……… 其實尷尬嘅應該係我, 但係點知變左係佢…… 真係好攪笑,
番到屋企, 好多人icq我問出field d 嘢…..好似個個都唔係好滿意, 睇到sonie 為左個placement 喊
其實自己都係好upset, 不過, 唔知幾時開始, 唔開心已經唔識喊…..只係覺得個心好緊好緊, 個人好實!!!
上次social policy exam 要靠一套戲去喊, 同比比之間的就要靠酒精, 今次靠咩嘢????

要實踐逆來順受

Upset @ placement

Symposium 開始之前知道左placement 結果, 影響左整日心情,令到今日0唔係好集中到
出社署……. 有field partner 我真係勁勁勁唔開心…….
人地見到我placement 出社署都話我應該開心, 因為好多人爭,對搵工又有好處….. 不過, 我真係好唔想自己placement 係學點work, 唔係學點social work囉!!!!!!!

一切已經成定局, 我唯有接受現實……..
好多謝阿傑同Rachel同我講好多出`社署嘅好處, 我都冇之前咁唔開心
阿傑原來都係o係觀塘出placement , 到時可以搵我嘅四叔公食lunch , 又可以請教下佢……………………..
我應該正面d !!!!!!
要好好準備出field !!!!!

四個太

其實今日到左呢一刻, 應該快快手手攪掂去瞓, 因為明天symposium 同 closing
不過, 有d 感覺好想express , 所以忍唔住去打下日記

今日有四個太

第一太----- 太好了
自從上星期開左policy 第一次會, 琴日同今日連開兩個
經過一段好慘痛嘅brain storming 階段, 今日終於定左我地個argument 同主線, 可以去搵邵生傾下喇
諗番琴日大家brainstorm 個topic brainstorm到個個呆左，要透過講是非去balance 番……. 今日又再開一次會, 大家都好努力去探索…..
終於我地搵到我地個stand 同論點…… 太太太太好喇!!!!!!!!
同呢一group 同學合作係第一次, 我覺得感覺好好…. 因為大家真係perform 唔同角色,大家都好主動participate, 希望我地個seminar 唔會令大家失望

第二太------- 太錯愕

今日上去搵阿bottle 時遇上rita kowk , 佢冇啦`啦話有嘢同我傾
我開頭以為佢想搵我傾promote 4月1,2 號嘅symposium , 原來佢同我傾placement
佢睇左我placement remarks, 同我傾番我o個個問題, 問我接觸咩人or 事會容易trigger 我個問題, 佢想同我arrange 一下placement …..
當時o黎唔切反應…. 不過都好坦白同佢講左自己問題…. 但我唔認為會好影響我placement , 只要我tune in 到工作個mode, 呢個問題會好少出現……. 我真係有信心我唔會影響到我d client o架!!!!!

第三太------ 太緊張
明天就係fs festival symposium 同埋 closing 大日子
今日去左poly rehearsal , 因為琴晚瞓得好少, 今日精神唔多好
core team briefing之後就要brief helpers , 我o個team 有兩個都冇到, 仲要有一個係等我打俾佢佢先同我講唔到…… then rehearsal 到尾聲打俾我同我講明天佢只可以stay 到2 點, 真係俾佢吹到bear 一聲……
真係好彩有tommy 幫手, 負責左最一part, 如果唔係manpower 唔夠就會好麻煩
rehearsal , 有好多嘢有改動, 好彩helpers 們真係好好配合到….
坦白講覺得自己好亂…… 個腦不停不停咁諗有d 咩改, 個程序d details 位
自己又好似唔係好load 得到……. 可能係自己攰, 亦都可能自己太緊張……..
明天真係要好好clam down 自己, 如果唔係就真係會出錯同出醜

第四太-------- 太痛
呢幾日真係好痛
自從星期日打完系際冇拉筋, 第二日上fitness ……雙腿就一直好痛好痛
痛到今日原本好番d, 點知又上fitness ,又做aerobic training, 主要都係雙腳..
又痛過!!!!! >< 今次仲要係條筋一直扯住痛…….. 由pat pat 到小腿…..
行樓梯簡直就成為一大折磨

頹

我是泄了氣的汽球
也是一團熄滅了的火
是靈魂脫離了的一個軀殼

i love blue blue sky (Photo taken during the flight to thailand)
Posted by Hello

Self-disclosure

今日終於上左去交report , 真係鬆一口氣, 好似減左20磅肥肉咁, 一身輕晒
因為唔想麻煩到人, 原本會去最後一次u life 都冇去到……去左交report
下次好似係最後一次u life….. 唉, 最終都係拖到差唔多sem 尾=_=

今日同cherie 傾開, 講開self –disclosure 問題
原來, 一d 同學仔會覺得我神秘, 因為我似是好self –disclose , 但其實我又好似成日只係同cherie 傾….. 其實同cherie 傾, 除左sharing 之外, 仲有好多嘢觀念上一d 比較抽象嘅嘢都會討論…..
可能就係呢一類討論令我好enjoy 同cherie 傾自己問題,
有時會覺得, 同人講自己d嘢一d 都唔難,
雖然某靚仔同我講:俾人知道多自己嘅嘢, 人地就會摸清自己嘅底牌, 最終可能自己會蝕低:
佢呢種講法唔會錯, 人總係需要保護自己
不過, 係呢個時候, 對於我o黎講, 就唔係好啱我
我會覺得, 人與人之間相處唔會有咩「賺蝕」關係, 人地知道你多d 嘢, 人地唔會賺多左嘢, 攞到d 咩著數…….真係只係知嘅層面,
除非, 呢d 嘢可以成為人地傷害自己嘅工具, 可能工作嘅環境呢個情況就會同自己有好密切關係
或者自己有時真係會天真左D
不過, 我諗而家仲未出社會, 可以擁有一刻嘅天真就得一刻, 日子可能會過得開心D
雖然自己真係容易disclose 自己, 但要搵到一個明白自己嘅人真係唔容易…….. 況且, 成日同人地講自己嘅嘢, 人地唔覺煩, 自己都會覺得自己煩…
我諗, 其實都要好好學習一下self healing ,
學下收一收口, 自己面對, 自己處理, ………

唉, 我真係矛盾

最近知道一套關於sex 嘅戲, 三級的, 仲係性學大師真人真事, 好想睇
不過, 對於香港上嘅外國三級片好有保留, 上次同andy 哥去睇o個套好似好震撼嘅<天地無倫>真係好震撼, 連一d 香港情慾片有嘅鏡頭都cut 埋…簡直唔覺自己睇緊三級片
今次呢套片又話極具爭議性…… 都唔知最終出左o黎會係點
不過, 自己咁多嘢未做, 睇o黎都係要等租vcd lu >.<
性學大師! 你要等我呀!!!!!!

FSWS festival--- symposium + closing

呢排做好多嘢都係同fs 有關
話咁快就o黎到symposium 同埋closing 喇,呢個星期六就係喇, 大家記住o黎聽多d, 睇多d …
話晒自己都算係program 3 core team , 都會有d 緊張……
不過, 一定唔夠班莊員緊張……
見到班ex-co 左個fs festival, 差唔多個個都好似病左, 仲要個個都好似長期病患咁…. 真係令人心痛……
今日打俾Rachael, 聽到佢把聲死晒, 知道佢一定病得好厲害,仲要打去煩佢, 真係有點兒那個…. 希望佢快d 好番

上完pe , 去左攪一d 好urgent 嘅事, 遲左去poly 開sympo 會
去到大家已經傾緊, 仲要已經傾左我o個part …….. 自己算係第一次攪technique 方面嘅嘢, 希望自己會prepare我好ｄ，當日唔好出醜！！
同佢地開始落實去revise rundown , 睇場, pre-rehearsal , ….等
覺得同呢一team 人合作感覺好好, 大家都好肯throw out 自己idea, 又有人會lead 住我地唔好side-tracked , 唔好浪費太多時間, 真係好!!!!
而家好似有好多嘢都係好改, 真係辛苦ex-co 去make decision 同amendment
雖然下次再見到大家會係11號rehearsal , 我知道大家都會好努力去準備,
我地應該都會有goodshow!!!
加油加油!!!!!

之後仲有final product , core team 仍需努力

再o黎仲有好以幾份未掂過嘅paper, 1個月4 份, 再加policy seminar preparation , 紫藤的………..包包真係好加加加油先得喇!!!!
衷心希望……… 欠缺休息的人快快休息, 身體要緊!!!!

運動後…..

今日係一年一度系制嘅大日子
早上去左city 聽婦女政策交流會, 主題係婦女貧窮
記得上個sem policy 份paper 做有關女性嘅題目, 當中都有提及婦女貧窮, 去聽下, 睇下有冇新perspectives

有好多議員到左, 劉慧卿, 張超雄, 陳婉嫻, 李鳳英, 王國興, 余若薇, 梁耀忠…
仲有王洪同埋梁麗清做commentator

內容都係差唔多, 不過好impressed 卿姐嘅觀點, 我覺得佢點出左成個問題嘅重點…… 其實就係父權社會男女權力不平等……
王洪raise 嘅example 都令我覺得好新, 原來外國已經行緊….. 不過, 香港會唔會行到??? 政府願唔願意行都好似係一個問題…..

未聽晒就番學校打系制……..
太耐冇打波, 其實一定唔擔心自己技術問題, 因為一定係冇技術
反而好擔心體能問題……
今日officials 入面有三個都係體藝人…. 仲要有一個係以前自己隊友, 俾佢地笑我渣… ^0^
比賽中, 其實好明顯係跑唔到, 冇氣又唔夠快… 仲要俾人打親個嘴
打到一半條氣管好痛…仲流鼻水….. 打完之後一直冇停….
做運動反而會病, 真係笑死人… 一直都好唔舒服, 所以冇去到final product 開會….. 覺得唔係咁好意思, 希望佢地一切順利…..
打完之後個舊患開始feel 到痛…. 真係禍不單行, 明天仲要上fitness =_=

明天會更好

AT HOME

一整天在家---------------------- 不安
同一個恐怖的經歷，一天內發生了七次
七次, 其實是可以控制, 偏偏自己卻控制不了
不知何時開始, 在家總有種可怕的感覺
那種感覺, 寂寞而空洞, 存在卻不實在
總是怪異, 似是被內裡一股不明的力量控制
是太懦弱了吧!!!
何時才能堅壯??

忘記了內心真實的感覺
忘記了那些令我不願醒的夢
忘記了那些讓我收起悲傷的
也忘記了那一刻的感動
一切都要..忘記了…
想好好過日子… 所以要忘記
忘記得----- 連自己也忘記
放低的一刻, 輕了, 但又沉重
起碼我也沒有失去因我從不曾擁有

只是一個夢
謝了, 一個曾給我愉快的夢

gender of my brain

Your Brain is 53.33% Female, 46.67% Male

Your brain is a healthy mix of male and female

You are both sensitive and savvy

Rational and reasonable, you tend to keep level headed

But you also tend to wear your heart on your sleeve

What Gender Is Your Brain?

愛上通頂

最近, 習慣左通頂…….
琴晚又通, 做fs 同report , 係呢二月以來第三次通頂之後直踩
做完食左個超早早餐就番學上堂去
上law 同policy
令人氣結, 真係好唔明白….. 點解都左而家都係咁??? 唔細喇, 成熟d 啦
同cherie 去左食lunch , 同佢傾左好多關於social work 嘅嘢, 一次過將自己頂住頂住嘅氣發晒出o黎
發現原來佢同我都係充滿失望…. 真係好失望, 有一刻竟然滴左滴淚
我自己都唔知道點解會為人地冇信念而流眼淚, 只可以話好忟之餘好悲
好想o係圈子裡搵到除cherie 以外志同道合嘅人, 可惜嘅係仲需要努力去搵
我地唔係冇力量o架……
唔好浪費自己啦!!!!!

夜晚去左睇<>, 好得人驚, 真係好驚, 以後唔會去戲院睇驚嚇片, 睇一齣咁得人驚嘅片, 真係腦細胞都死多d… 睇完之後個人好攰

番到屋企, 開始通頂後遺症o黎料, 覺得好攰好攰…個頭仲勁痛
打埋日記去瞓, 明天要番學校努力過!!!!
要快d 克服呢d 通頂後遺症, 等placement 可以多d時間用

給Andy 哥

ANDY 哥仔, 見到呢個日記, 係咪好開心呢???
我特登寫俾你o架,人地冇o架, 你唔駛喊住多謝我, 識做啦 ^0^
(其實係我o係你diary 留唔到言 >8<)

前兩日你打俾我, 我都幾開心o架(雖然你搵我攝時間)
知道你轉左呢份工好辛苦, 成日要日曬雨淋, 又要捱凍…
我自己就唔係好想你做呢份工, 不過, 聽完你講之後, 我知道你轉工之前都諗得好清楚, so , support u always la

我4月中就出placement 喇, 到時就冇乜機會出o黎俾你帶我去玩喇….
不過呢, 我會聽你話努力o架喇!!!!!成績好應該都應該有人請食飯啦!!!!hahahah

你幾時打泰拳公開賽呀??? 我一定會o黎支持你!!!
因為你幾時都支持我呢個妹妹仔嘛
keep in touch 啦

事記

日記, 變左事記

<<六四展>>
呢幾日, 除左個人有少少唔平靜之外, 日子都過得ok
忙碌就唔洗講……so far 開始習慣緊

星期一, 同學仔擺左六四展, 因為要sowk 正菜re-u , 冇去聽rita 分享佢嘅經歷, 聽番同學仔講都覺得好傷感,
見到同學好努力去整左個六四展, 雖然唔係好冠冕堂皇, 但見到同學嘅用心, 真係好欣賞, 都感激佢付出左好多時間去籌備呢個exhibition
自問自己真係一個好見識淺陋嘅人, 對於六四, 印象好模糊…….
如果冇同學努力, 我肯定唔會知多d
睇到d 相, 其實唔係一d好血腥嘅相, 不過, 每一幅都好似俾我睇到高壓政府嘅恐怖…….
見到當年學生為左民主以血肉之軀抵抗鐵腕, 實在從心去佩服…… 令到我好慚愧, 覺得自己眼光真係好唔遠大, 差唔多年紀, 人地就為左國家嘅未來燃起左一道好熾熱嘅火, 而自己就連自己嘅事都未處理好, 每日都為左d不值得自己去擔心嘅事而唔開心
有時覺得自己生於唔同時代, 對於六四, 我自問冇資格去作任何批評, 但覺得, 從一班學生中睇到自己嘅渺小同不足, 佢地教曉左我, 學生, 其實都有好多嘢係可以做
究竟, 我想o係個社會做d乜, 可以做d乜……

sowk 正菜嘅re-u , 辛苦大car 約左咁耐
不過heaveni 同阿倩都唔o係度, 得阿爸阿媽, 我, 大car 同sonie
去左島仔食lunch ……一家人食飯好開心, 傾左好耐……
同佢地食飯嘅時間覺得自己好relax, 有皮爸爸俾我地笑
上pe 堂, 做stretching 好正呀!!! 好耐都冇好認真咁拉筋, 有少少懷念o係體藝train 完fitness cool down 嘅moment….

上law tutorial
同同學仔有好好嘅討論
不過我依然唔係好認為基層市民或者一d 被欺壓嘅人要o係經濟好時先發聲去爭取佢地嘅權益……. 如果佢地嘅尊嚴, 因為香港經濟好就會多一d我話…..
如果係咁, 叫施捨; 唔係充權

我都會覺得有d 諗法會好理想, 但我絕對唔認為應該屈服於環境, 困難就唔去做
呢個目標真係好似好理想, 但呢個就係我地嘅信念…….
我地要相信人係可以轉變, 社會係可以轉變,觀念可以轉變, 文化都可以轉變,
唯一要concern 係時間…….. even 中國三千幾年嘅帝制都可以轉變, 有咩唔可以……….
如果, 個個都怕困難而退縮, 人仲有咩幸福可謀… 唔通真係只係教單靠輔導下client, 叫佢地change 就可以???
Empowerment 會唔會只係一個只係一個 social work profession 嘅用字??? Social justice 會唔會只係書本上一d 概念???
呢d 事好似好死, 但其實係富有生命…
只要有信念,到最後任何人都係可以活得更好, 堅守我地信念. 冇人話唔可以!!!!!!!!

續…

沿途紅燈再紅 ‧無人可擋我路 *Underneath the Surface*

Wednesday, March 30, 2005

宣洩

Tuesday, March 29, 2005

.....................

.....................

感激日

Sunday, March 27, 2005

快樂感動兩難

Saturday, March 26, 2005

寒

Thursday, March 24, 2005

新生活

自覺與放縱

Tuesday, March 22, 2005

terrible

Monday, March 21, 2005

百感(二)

百感(一)

Sunday, March 20, 2005

Saturday, March 19, 2005

不甘心

Friday, March 18, 2005

尋找心中hero

Thursday, March 17, 2005

女人不是sex object, 請為自己而活

Tuesday, March 15, 2005

為實習而流淚

Monday, March 14, 2005

Sunday, March 13, 2005

平靜地憤怒

satisfied@ fsws festival

Upset @ placement

Saturday, March 12, 2005

四個太

Thursday, March 10, 2005

頹

Wednesday, March 09, 2005

Tuesday, March 08, 2005

Self-disclosure

FSWS festival--- symposium + closing

Sunday, March 06, 2005

運動後…..

AT HOME

Saturday, March 05, 2005

gender of my brain

Friday, March 04, 2005

愛上通頂

給Andy 哥

事記

About Me

Links

Previous Posts

Archives

沿途紅燈再紅 ‧無人可擋我路 Underneath the Surface